Goranboy rayon İcra Hakimiyyətinin başçısı Məhərrəm Quliyevin qəbulunda insident yaranıb.
BUTA.TV xəbər verir ki, Qaynarinfo-nun məlumatına görə, hadisə Goranboy rayon Nərimanlı kənd icra nümayəndəliyində baş verib.
Belə ki, vətəndaş qəbulu zamanı binanın qarşısında səs-küy eşidilib. İcra başçısının qəbuluna düşə bilməyən Zeynallı kənd sakini, 1990-ci il təvəllüdlü S.M. Məhərrəm Quliyevin 17 iyulda Nərimanlı kənd icra nümayəndəliyində qəbul keçrildiyini öyrənib.
O, bir litrlik qabda benzin ilə icra nümayəndəliyinin inzibati binasına yaxınlaşıb. Qapının qarşısında duran mühafizəçiyə rayon rəhbərliyinin qəbuluna gəldiyini, içəri buraxılmayacağı halda özünü yandıracağını deyib.
S.M. saxlanılaraq barəsində İnzibati Xətalar Məcəlləsinin 510-cu maddəsi ilə protokol tərtib edilib. Məhkəmədə məlum olub ki, təqsirləndirilən şəxs hadisəni içkili halda törədib.
Məhkəmənin qərarı ilə həmin şəxs İnzibati Xətalar Məcəlləsinin 510-cu maddəsində nəzərdə tutulan inzibati xətanı törətməkdə təqsirli bilinib və 50 manat cərimə edilib. İnzibati qaydada tutulmuş S.M. məhkəmə iclas zalından dərhal azad olunub.
- “İran hilalı” məhv edildi: İndi "baş"a son zərbələr endirilir
- Tələyə düşən İranın qisası: Tehran Türkiyəyə də zərbə endirəcək?
- ABŞ bombardmana hazırlaşır: B-2-lər göndərildi
- Bayramov İƏT-in Nazirlər Şurasının fövqəladə iclasında
- Daha bir ölkə İrandan təxliyəyə görə Azərbaycana təşəkkür etdi
- Bayramov suriyalı həmkarı ilə görüşdü: Yardım davam edəcək!
- Laçın səfəri ilə bağlı daha bir paylaşım - Video
- Məhkəmə sabiq icra başçısı ilə bağlı qərar verdi