“Azneft” İstehsalat Birliyinin Neft Daşları-Çilov-Şah saçı-Dübəndi neft xəttində sızma müşahidə edilib.
BUTA.TV xəbər verir ki, bu barədə Report-a Azərbaycan Dövlət Neft Şirkətindən (SOCAR) bildirilib.
“Qeyd olunan neft xətti Neft Daşlarından neft və kondensatın Dübəndi istiqamətində nəqlini həyata keçirir. Küləkli hava şəraitinin yaratdığı çətinliklərə baxmayaraq, yaranmış vəziyyətin aradan qaldırılması üçün müvafiq addımlar atılır”, - SOCAR-dan vurğulanıb.
Bildirilir ki, təmir-bərpa işlərini həyata keçirəcək heyətin təhlükəsizliyini təmin etmək üçün hava şəraitinin sabitləşməsi gözlənilir:
“Əməliyyatın təhlükəsiz icrası üçün uyğun şərait yarandıqdan sonra təmir-bərpa işləri tamamlanacaq”.
Qeyd edək ki, sosial şəbəkələrdə və bəzi KİV-lərdə Neft Daşları NQÇİ-nin ərazisindən və “Günəşli” yatağından nefti sahilə nəql edən xətdə sızma olması ilə bağlı məlumat yayılıb.
- Azərbaycanla Türkiyənin qardaşlığı sarsılmazdır
- Tanınmış meyxanaçı həbs olundu - FOTO
- Əli Xameneinin bunkeri vuruldu
- İsrail Tehrana 60 qırıcı ilə hücum etdi
- Diplomatlar Laçında səfərdədir
- Bu ölkə İrandakı səfirliyinin fəaliyyətini dayandırdı
- Xameneiyə sui-qəsd İsrailə baha başa gələr - 3 səbəb
- İlham Əliyevin Türkiyəyə səfərindən görüntülər - Video