Rusiya əhalinin banklarda olan əmanətini istifadə etməyə hazırlaşır.
BUTA.TV xəbər verir ki, bu sözləri sabiq maliyyə naziri Fikrət Yusifov Planet TV-yə müsahibəsində deyib. O bildirib ki, Rusiya hazırda vergiləri qaldıra bilmir, çünki maksimum səviyyədə artırıb, o cümlədən əlavə investisiya cəlb edə bilmir, bəlli səbəblərdən borc götürmək imkanı da yoxdur:
“Rusiya bütün resurslarını xərcləyib və hazırda son variant kimi əhalinin əmanətlərindən istifadə etməyi nəzərdən keçirir. Rusiya əhalisinin banklarda 61 trilyon rublu var və bu, təxminən, 800 milyard dollara yaxın vəsait deməkdir. Bu, Rusiyanın 2022-ci ildə başlayan müharibədən indiyədək xərclədiyi vəsaitdən daha çoxdur. Yəni bu vəsait Rusiyaya kömək edə biləcək”.
F.Yusifov onu da deyib ki, bu, faktiki müsadirə olsa da, Rusiya rəsmiləri bunu belə adlandırmır:
“Deyirlər ki, lazım olduğu üçün götürülür və insanları vətən naminə buna normal yanaşmağa çağırırlar, guya 5-10 ildən sonra dividentləri ilə birgə qaytarılacaq. Ancaq 10 ildən sonra nələr olacağını kimsə bilmir”.
- Rusiya inanılmaz yola əl atır: 61 trilyon əldə edəcək
- Zelenskinin videosuna Putindən reaksiya: Şəhərə gir...
- Paşazadə 10 yepiskopla görüşsə... - Badalyan
- Türkiyə də Ukrayna müharibəsinə sürüklənir: Tərəf seçə bilər
- İlham Əliyev Piterə gələ bilər - Peskov
- Vardanyanın saxlanma şəraiti ilk dəfə göstərildi - Video
- Hökumə Əliyevanın ailə üzvləri Aktauya getdi - Video
- Rusiyanın Türkiyəyə qarşı təxribatı - Nə baş verir?