ABŞ Prezidenti Donald Tramp İtaliyanın Baş naziri Corcia Meloni ilə aralarında yaranan diplomatik gərginliklə bağlı növbəti açıqlama verib.

“BUTA.TV” xəbər verir ki, ABŞ lideri bu barədə “Truth Social” hesabında yazıb.

Tramp bildirib ki, Meloni Fransada keçirilən G7 görüşü zamanı onunla dəfələrlə şəkil çəkdirmək istəyib.

O, həmçinin Meloninin İtaliyadakı şöhrətinin xeyli zəiflədiyini bildirib. O, Meloninin “nüfuzdan düşməsini” belə xarakterizə edib:

“Bəlkə də ona görə ki, o, İranın nüvə silahı əldə etməsinin və ya inkişaf etdirməsinin qarşısını almaq məsələsində İtaliyanı səmimi qəlbdən sevən və qoruyan Amerika Birləşmiş Ştatlarından (yeri gəlmişkən, NATO-dan da!) imtina etdi. 

O, hətta İtaliyanın uçuş-enmə zolaqlarından istifadə etməyimizə icazə vermədi ki, bu da ABŞ-nin İtaliyanı və digər NATO müttəfiqlərini müdafiə etmək üçün hər il yüz milyardlarla dollar xərcləməsinə baxmayaraq, böyük logistika narahatlığı yaradır.

İndi isə, ABŞ-nin İran üzərində hərbi qələbəsindən sonra “qondarma” dostlar qazanmaq istəyir. Xeyr, təşəkkürlər!”

Qeyd edək ki, ABŞ lideri bundan əvvəl Meloninin onunla şəkil çəkdirməsi üçün yalvardığını deyib. Meloni isə bu açıqlamadan təəccübləndiyini, Trampın müttəfiqlərinə niyə belə davrandığını anlamadığını bildirib.

• İran Hörmüzü bağladı
• Azərbaycana turist axını azaldı
• Çıxarış olmadan mənzil alanlara - Xəbərdarlıq
• Vilayət Eyvazov bu məzunlara diplomlar verdi - Video
• Onunla şəkil çəkdirmək istəyən Meloninin ünvanına sərt sözlər dedi
• Zaqatalada hovuzu təmir edən kişi yandı
• Vilayət Eyvazov DİN-in Hərbi İnstitutunda buraxılışa qatıldı - Fotolar
• "Qarabağ"da daha bir ayrılıq - SON DƏQİQƏ