Onlayn qumar oynayan azərbaycanlı yarım milyon manat uduzub. Xezerxeber.az-ın məlumatına görə, ölkədə qumar oyunlarını təşkil etmək qanunla qadağandır.
Amma internetdə tez-tez qumar oyunları reklam edilir. Qaydalar isə çox sadədir. Qeydiyyatdan keçmək üçün mobil nömrə və bank kartı məlumatları istənilir. Adını və soyadını açıqlamaq istəməyən bu şəxs də internetdə qumar oynayanlardan biridir. Sonradan qumar oynamaq onda asılılıq yaradıb. Zərərçəkən bildirib ki, belə saytlardan tez-tez şirnikləndirici təkliflər gəlir.
Ekspertlər mövzu ilə bağlı bildiriblər ki, belə saytlar adətən xarici ölkələrdə açılır. Ancaq, respublika ərazisində belə internet resursları aşkarlandıqda onlara giriş imkanları məhdudlaşıdırılır. Qumar bəlasından xilas olmaq üçün isə reabilitasiya mərkəzlərinə son zamanlar edilən müarciətlərin sayında artım müşahidə edilir.
Hüquqşünas Elcan Həsənli bildirib ki, ölkədə icazə verilən qanuni idman mərc oyunlarından başqa istənilən həm canlı, həm virtual mərc oyunları qanunsuzdur. Bu oyunların virtual şəbəkələrdə, onlayn platformalarda keçirilməsində 2 ildən 3 ilə qədər azadlıqdan məhrumetməyə qədər ağırlaşdırıcı cəzalar tətbiq oluna bilər. Hüquqşünas bildirib ki, bu oyunları oynayan şəxslər də məsuliyyət daşıyırlar. Onlar 3 000 manatdək cərimə oluna bilərlər.
- Azərbaycandan qatar yola düşdü: Alqışlayıram!
- Şahin Şıxlinskinin məhkəməsi başladı
- Abbas Abbasovu bu vəzifəyə hansı prezident gətirmişdi?
- Rusiya və İranın Zəngəzur narahatlığı: hansı addımlar atıla bilər?
- Azərbaycandan Ermənistana neft məhsulları yola salınır
- İlham Əliyev Qətər əmirini təbrik etdi
- Vüqar Əhmədə yüksək etimad: AEA üzvü seçildi
- Əli Kərimlidən yeni xəbər