Avropa İttifaqının müşahidə missiyasını Ermənistana göndərməklə Brüsselin açıq-aşkar məqsədi regionda formalaşmış təhlükəsizlik sistemini dəyişdirməkdir.
BUTA.TV xəbər verir ki, bunu Rusiya Xarici İşlər Nazirliyinin rəsmi nümayəndəsi Mariya Zaxarova bu gün bildirib.
“Əgər bu cür bəyanatlarla Avropa İttifaqının regionda iştirakına haqq qazandırmağa cəhd edilirsə, o zaman bunu uğurlu hesab etmək çətindir. Rusiya sülhməramlıları Qarabağda sülhü təmin edir, Ermənistan ərazisində, o cümlədən Ermənistan-Azərbaycan sərhəd zolağında hərbçilərimiz və sərhədçilərimiz fəaliyyət göstərir. Bu münasibətlə heç vaxt Bakının qorxusunu, şikayətini eşitməmişik. Eyni zamanda Aİ-nin Ermənistana müşahidə missiyası göndərmək qərarına Bakının tənqidi münasibətindən xəbərdarıq. Görünən odur ki, Brüsselin məqsədi regionda formalaşan təhlükəsizlik sistemini dəyişməkdir”, - deyə M.Zaxarova qeyd edib.
Rusiya Xarici İşlər Nazirliyinin rəsmi nümayəndəsi vurğulayıb ki, onun təməl daşı Rusiya hərbçilərinin və sərhədçilərinin bölgədə olması, Ermənistanın KTMT-yə üzv olması və üç ölkənin qəbul etdiyi qərarların praktiki olaraq həyata keçirildiyi siyasi iradədir.
“İrəvanda bunun başa düşüldüyünə və nəzərə alındığına inanmaq istəyi var. “Biz erməni tərəfdaşlarımızla həm ikitərəfli, həm də çoxtərəfli şəkildə dialoqa açığıq”, - deyə Mariya Zaxarova Cənubi Qafqazda sabitliyin qorunması üçün həyata keçirilən tədbirlərin təkmilləşdirilməsi baxımından bildirib.
- Saleh Səmədovun yerinə gələnə baxın: o da “georgi”li… - Foto
- İrəvan dərhal Bakı ilə sazişi imzalamağa hazırdır - Mirzoyan
- Ermənilər sərhəddə təxribata cəhd etdilər - Video
- Azərbaycana bu sazişə qoşulmağı təklif edəcəyik
- Putin çətin vəziyyətə düşüb, Zelenskidən bunu gözləmirdi
- Türkiyə üçün ən böyük təhdid PKK yox, budur – Şərh
- Mövqelərimiz atəşə tutuldu: Ordumuz cavab verdi
- Azərbaycanda cərraha yüksək vəzifə verildi