Xocalı şəhəri lokal uğurlu antiterror tədbirlərindən sonra nəzarətimizə keçdi. Ölkənin hər yerində olduğu kimi, Xocalıda da genişçaplı yenidənqurma prosesinə başlanıldı.
BUTA.TV xəbər verir ki, bu sözləri Globalinfo.az-a Milli Məclisin deputatı Elman Məmədov deyib.
O bildirib ki, hazırda Xocalıda təhlükəsizlik və digər tədbirlər həyata keçirilir:
“Əraziyə hərbçilər nəzarət etsə də, Xocalı şəhər polisləri də cəlb edildi. Bu gün polislərimiz orada fəaliyyət göstərirlər. Bundan başqa, ərazidə genişçaplı təhlükəsizlik təbdirləri görülür. Xüsusilə mina və partlamamış silah-sursat zərərsizləşdirilib.
Bərpa prosesi çərçivəsində Xocalıda mühüm işlər görülür. Dağıdılmış infrastruktur yenilənir. Artıq bir çox dövlət müəssisəsinin də fəaliyyəti bərpa edilib. Hesab edirəm, qısa zamanda xocalılılar öz torpaqlarına qayıdıb, əvvəlki kimi təhlükəsizlikdə yaşayacaqlar”.
Deputat deyib ki, Xocalıya getmək üçün müraciət etsə də, hələlik bu səfər məqsədəuyğun hesab edilməyib:
“Çünki hazırda orada genişmiqyaslı işlər görülür. Gec-tez ora qayıdacağıq. Hər bir xocalılının arzusu budur”.
- Ceyhun Bayramov Rubio ilə telefon danışığı apardı
- Rza Pəhləvinin Sultan Əhmədə xəyanəti
- İlham Əliyevə verilən mükafat daha öncə kimlərə təqdim edilib?
- Fransadan Bakının ermənilərlə bağlı qərarına reaksiya
- Baş Prokurorluq nazirliyə bu həkimlə bağlı təqdimat göndərdi
- İlham Əliyev Davosda Andre Esteveslə görüşdü
- Sədr Hacıqabul və Şirvandan olan vətəndaşları qəbul etdi
- Rusiya və İranda problemlər: İrəvan Azərbaycana ümid edir