Əməkdar incəsənət xadimi, görkəmli müsiqişünas, sənətşünaslıq üzrə fəlsəfə doktoru, professor Sürayə Ağayeva 77 yaşında vəfat edib.

Kult.az xəbər verir ki, bu barədə APA-ya S.Ağayevanın oğlu Fərid Gülməmmədov məlumat verib.

O bildirib ki, bir müddət əvvəl insult keçirərək xəstəxanaya yerləşdirilən S.Ağayevanın səhhəti bir neçə gün əvvəl yenidən pisləşib və həyatını xilas etmək mümkün olmayıb.

Mərhumla vida mərasimi 20 oktyabr, saat 11:00-da Təzəpir məscidində olacaq.

Qeyd edək ki, Sürayə Ağayeva 1947-ci ildə anadan olub.

O, UNESKO-nun nəzdində Ənənəvi Musiqi üzrə Beynəlxalq Şurasının (İCTM), Beynəlxalq Etnomusiqişünaslar Cəmiyyətinin, Azərbaycan Bəstəkarlar İttifaqının üzvü idi. Müxtəlif illərdə Bakı Musiqi Akademiyası, Türkiyənin Hacəttəpə Dövlət Konservatoriyası və Bilkənd Universitetinin musiqi fakültəsində müəllim işləyib. AMEA-nın Memarlıq və İncəsənət İnstitutunun musiqi tarixi və nəzəriyyəsi şöbəsinin aparıcı elmi işçisi idi. S.Ağayevanın elmi fəaliyyəti Azərbaycan, Şərq musiqi mədəniyyəti və orta əsr əlyazmalarının araşdırılmasına həsr olunmuşdu. Muğam sənətinin tarixi və nəzəriyyəsinə dair Azərbaycan, rus, türk, fars, ingilis dillərində çap olunmuş çoxsaylı kitab və məqalənin müəllifidir.

• Ordumuz regional sülhün və təhlükəsizliyin əsas qarantıdır
• Azərbaycan Ordusunun yaradılmasından 107 il ötür
• Azərbaycanda saxta alkoqollu içkilər aşkarlandı
• “Bir tüstü vurdum, həyatım dəyişdi” – 20 yaşlı narkoman qızın DƏHŞƏTLİ etirafları
• Şəbnəm Tovuzlunu “dollar yağışı”na tutan ailə narkotacir imiş - SENSASİON ƏMƏLİYYAT
• Faytonçu Nazim həmin həkimdən 50 min manat alıbmış
• Akopyanın Antalyada xərclədiyi şok etdi: Şampan vannası...
• Konqodan olan tələbələr də Azərbaycana təxliyə olundu