Vaşinqtonun Tehranla danışıqlarında İranın nüvə proqramı ilə bağlı irəli sürdüyü şərtlərin ölkəsinin maraqlarına zidd olduğunu bildirən ali dini lider Əli Xamenei Ağ Ev sahibi Donald Trampın adını çəkmədən, “Sən kimsən ki, İrana deyirsən nüvə proqramı olsun, ya olmasın” sözlərindən istifadə edib. Əli Xamenei bununla Tehranın Vaşinqtonla razılaşmanın mümkün olmadığını anladıb. İran Prezidenti Məsud Pezeşkianın ali dini liderin təlimatını yerinə yetirməkdən başqa seçimi yoxdur.
BUTA.TV xəbər verir ki, bu sözləri politoloq Elxan Şahinoğlu qeyd edib.
O bildirib ki, Əli Xameneinin bu açıqlaması Donald Trampın imicinə zərbədir:
“Çünki Ağ Ev sahibi Tehranla məsələni danışıqlar yolu ilə həll edəcəyinə ümidli idi. Bu, Trampın Rusiya-Ukrayna müharibəsini dayandıra bilməməsindən sonra aldığı növbəti zərbədir. Xamenei danışıqlarla heç nəyin həll olunmayacağını bildirməklə Trampın təkliflərinin üstündən xətt çəkib. Bu gözlənilən idi. Çünki Tehran və Qum Trampın “İran uranı zənginləşdirməməlidir” prinsipini qəbul etməyəcəkdi. Tehranın və Qumun Trampın şərtini qəbul etməsi İranın ABŞ-a təslim olması anlamına gələcəkdi. İrandakı mühafizəkarlar isə təslim olmaq istəmirlər”.
Politoloq xatırladıb ki, mövcud gərginlik İsrailin Baş naziri Benyamin Netanyahunun maraqlarına cavab verir:
“Çünki Netanyahu hələ Barak Obamanın prezidentliyi dövründən Vaşinqtonla Tehran arasında nüvə razılaşmasının əleyhinə olub. Netanyahu Trampı da inandırmağa çalışıb ki, İranla danışıqlar aparmaq əvəzinə, bu ölkənin hərbi mərkəzlərinə zərbələr endirmək lazımdır. Tramp Netanyahuya danışıqların nəticəsini gözləməyi məsləhət bilmişdi. Ancaq Əli Xamenei Trampa nəticənin olmayacağı mesajını göndərib və ali dini lider bununla Netanyahunun işini asanlaşdırıb”.
- Azərbaycanın yaşıl enerji siyasəti ölkənin əsas prioritetlərindən biridir
- Trampın anonsu: Putin necə qisas alacaq? – Markov
- Regionlarda kommunal xidmət üçqat azaldılsa… - Ekspert
- Pezeşkianın türk liderlərə zəngi - İran siyasəti dəyişir?
- “Melissa Group”un vətəndaşın başına uçurduğu ev sökülür
- Rusiya panikada: sərhəddən təcili çıxarılır - Şok
- Azərbaycan XİN Danimarkanı təbrik etdi
- Mişustin Azərbaycanı da bu sistemə qoşulmağa çağırdı