Avqustun 27-də Güney Azərbaycanın bir neçə şəhərində milli fəallar həbs edilib.
BUTA.TV xəbər verir ki, bu barədə fəalların yaxınları və insan haqları təşkilatları məlumat yayıb.
Məlumata görə, Ərdəbil şəhərində Züleyxa Qazizadə, İrəc Şirzad, Həbib Nigəhban təhlükəsizlik məmurları tərəfindən saxlanılıblar.
İrəc Şirzadın saxlanılan zaman zorakılığa məruz qalıb və ağır şəkildə döyülüb.
Bununla yanaşı, Miyana şəhərində yaşayan ədəbiyyatçı və şair Məhəmməd Şeyxülislami də təhlükəsizlik məmurları tərəfindən həbs edilib.
Urmiya gölü ilə bağlı aksiyalarla əlaqəli həbs olunduqları ehtimal edilən fəalların hara aparıldığı haqda açıqlama verilməyib.
Eyni zamanda, insan haqları təşkilatları Xoy, Ərdəbil və Təbrizdən olan daha bir neçə fəalın ETTELAAT idarələrinə çağırıldığı ilə bağlı məlumat yayıb.
Bildirilib ki, Təbrizdə Yaşar Həsənpur, Ərdəbildə Əfşin Sübhi və Xoy şəhərində Cəfər Əkbəriyə zəng edilib, onlardan Təhlükəsizlik və Kəşfiyyat Nazirliyinin (ETTELAAT) yerli bölmələrinə getmələri istənilib.
Ərdəbildə Əfşin Sübhinin evinə basqın edildiyi, fəalın evdə olmadığı üçün həbs edilmədiyi qeyd edilib.
- İran və Rusiyanın təzyiqi və Əliyev cavabı!
- Nəsiminin vəziyyəti qənaətbəxşdir, Ceyhun isə...
- Dubaydakı dəbdəbəli toyun sahibi deputatın qardaşı imiş - Video
- “İcra başçısı təmiz işləyibsə, bir ay ərzində necə oldu ki, rüşvət sistemi qurdu?”
- Mehdiyevin kürəkəni iki azyaşlı qızı oğurlayıb?
- Bastrıkinin Kamran Əliyevə təəccüblü məktubu yayıldı - Foto
- Azərbaycan sayəsində 100 milyon dollar qənaət edəcəyik
- Çin Maduronun oğurlanmasından çox narahatdır