Bakı Metropoliteni QSC-nin Mətbuat Xidmətinin əməkdaşı Əli Fərəcov vəfat edib.

BUTA.TV xəbər verir ki, ötən gün səhər işə getmək üçün evdən çıxan 72 yaşlı Ə.Fərəcova zəng çatmadığı üçün ailə polisə müraciət edib.

Axtarışlar nəticəsində bu gün günorta saatlarında mərhumun cansız bədəni anasının Maştağa qəbiristanlığında yerləşən qəbrinin yanında tapılıb. İlkin məlumata görə, noyabrın 4-ü mərhumun anasının vəfat ildönümü olub. Hər il olduğu kimi Ə.Fərəcov bu dəfə də anasının qəbrini ziyarət etməyə gedib.

Onun hansı səbəbdən öldüyü bilinmir. Araşdırma aparılır.

Qeyd edək ki, uzun illər idman jurnalistikasında çalışmış Ə. Fərəcov 1951-ci il martın 29-da doğulub. Onun metropolitendə 45 ildən artıq təcrübəsi var. Uzun müddət “Metro” qəzetinin baş redaktoru olub.

Təqaüdə çıxdıqdan sonra isə Bakı Metropoliteni QSC rəhbərliyi onun təcrübəsini nəzərə alaraq müqavilə əsasında əməkdaşlığa cəlb edib.

• Yeniyetməni xilas edən Mikayıl Gözəlovun oğlu imiş - Foto
• Bu şəxslərin iş yerində saxlanılmasına üstünlük veriləcək
• Hansı hallarda vəzifəlilərin maaşları saxlanılacaq?
• İranda aksiyalar vaxtı yandırılan məscidlərin sayı şok etdi
• Əmr verilib, hücum hazırlanıb: Tramp son anda imtina edib
• 4 erməni məhbus buna görə qaytarılıb - Saakyan
• Rusiya Ukraynada “batır”, Çinin sazişi var - İran təkləndi
• Bir ailənin 4 üzvü dəm qazından zəhərləndi