Kərə yağının idxal rüsumuna tətbiq edilən güzəşt artıq qüvvədən düşüb.

BUTA.TV İTV-yə istinadən xəbər verir ki, 2017-ci ildən bəri 5% səviyyəsində tətbiq olunan idxal rüsumu bu ildən yenidən 15%-ə qaldırılıb. Paytaxt marketlərində aparılan araşdırma nəticəsində məlum olub ki, hazırda kərə yağının qiymətində ciddi artım müşahidə olunmur.

Mövcud satış qiymətləri barədə məlumat verən satıcı bildirib:

"Qiymətlər 4-5 ay əvvəl qalxmışdı. Alıcılar daha çox Yeni Zelandiya və yerli istehsal olan məhsullara üstünlük verirlər. Hazırda kərə yağının qiyməti 14 manatdan başlayaraq 30 manata qədər dəyişir".

Kərə yağı Azərbaycanda istehlak səbətinə daxil olan əsas ərzaq məhsullarından biridir. Rəsmi statistikaya görə, ölkədə kərə yağına illik tələbat 38-40 min tondur. Azərbaycan bu məhsulu ən çox Yeni Zelandiya, Belarus və Ukraynadan idxal edir.

Bəs idxal rüsumunun artırılması qiymətlərə necə təsir edəcək? İqtisadçı Rəşad Həsənov məsələni belə şərh edib:

"Bu istiqamətdə il ərzində adambaşına düşən xərc 10% və ya orta hesabla 12-20 manat civarında artır. Bu da orta statistik 4 nəfərlik bir ailə üçün 50 manatdan 80 manata qədər əlavə xərc yükü formalaşdırır. Rüsum üzrə güzəştin ləğv edilməsi qiymət artımlarını şərtləndirməklə, kərə yağının 2026-cı ildə 15-17% bahalaşmasına gətirib çıxara bilər".

• Şirkətlərlə milyonluq tender qazanan Vüqar Nağıyev kimdir?
• Şamaxıdakı zəlzələ zamanı dağıntı olub? - Rəsmi
• ABŞ Rusiyanın ən uzunmüddətli “xarici dayağını” alt-üst etdi
• Rusiya Azərbaycan üzərindən Ermənistana şəkər göndərir
• Bu, Trampa İrana zərbə endirmək üçün bəhanə verə bilər
• ABŞ-ın İranla bağlı son qərarı: Azərbaycanlıları gözləyir
• Tramp Azərbaycanın xəbər kanalından video paylaşdı
• Nəsimi rayonunun başına keçən Gülarənin utandırıcı videosu yayıldı – VİDEO