Polşanın paytaxtı Varşavada yerləşən “Polityka” media şirkətinin ofisi qarşısında Azərbaycan icmasının dinc aksiyası keçirilib.
Diasporla İş üzrə Dövlət Komitəsindən BUTA.TV-a bildirilib ki, Polşa Azərbaycanlıları Şurasının təşkilatçılığı ilə baş tutan icazəli aksiya “Polityka” jurnalının müxbiri Konstanty Gebertin II Qarabağ müharibəsi və Azərbaycanın tarixi Qələbəsi ilə bağlı təxribat və böhtan xarakterli məqalələrinin dərc olunmasına etiraz məqsədilə gerçəkləşdirilib.
Aksiyada çıxış edən diaspor fəalları Şamo Qubadov və Tuncay Novruzzadə “Polityka” jurnalında erməni diasporunun təsiri altında saxta xəbərlərin yayılmasını sərt şəkildə pisləyiblər. Bu nəşrin əməkdaşlarını faktları dəqiq yoxlamağa, Azərbaycan həqiqətlərini dürüst işıqlandırmağa, jurnalistikanın obyektivlik, tərəfsizlik və qərəzsizlik kimi prinsiplərinə əməl etməyə çağırıblar.
“Erməni diasporu medianı manipulyasiya edir”, “Qərəz yox, güzəşt yox, yalnız faktlar vacibdir!”, “Medianın ikili standartları bütün çılpaqlığı ilə”, “Azərbaycana qarşı feyk xəbəri dayandırın!”, “Azərbaycanlı uşaqlar öldürüləndə media harada idi?” və başqa şüarların əks olunduğu plakatlar nümayiş etdirilib.
Sonra Polşa Azərbaycanlıları Şurasının İdarə Heyətinin üzvü Şamo Qubadov jurnalın baş redaktoruna çatdırılması üçün soydaşlarımızın etiraz bəyanatını “Polityka” media şirkətinin ofisinə təqdim edib.
Aksiyanın təhlükəsizliyi yerli polis tərəfindən təmin olunub.
- Hindistan elan etdi: Bu raketlər İrəvana çatdırıldı
- Belə kartof almayın! – Adamı zəhərləyir
- Ukraynada savaşmağa azərbaycanlılara 28 min təklif olunur
- Yeniyetməni xilas edən Mikayıl Gözəlovun oğlu imiş - Foto
- Bu şəxslərin iş yerində saxlanılmasına üstünlük veriləcək
- Hansı hallarda vəzifəlilərin maaşları saxlanılacaq?
- İranda aksiyalar vaxtı yandırılan məscidlərin sayı şok etdi
- Əmr verilib, hücum hazırlanıb: Tramp son anda imtina edib