Lənkəran Ağır Cinayətlər Məhkəməsində mənimsəmədə təqsirləndirilən Oqtay Vəliyevin cinayət işi üzrə məhkəmə istintaqı başa çatıb.

BUTA.TV Pravda.az-a istinadən xəbər verir ki, sonuncu keçirilən prosesdə hökm oxunub.

Məhkəmənin hökmü ilə Oqtay Vəliyev cəzasını ümumi rejimli cəzaçəkmə müəssisəsində çəkməklə 3 il müddətinə azadlıqdan məhrumetmə cəzasına məhkum edilib və məhkəmə iclas zalında dərhal həbs olunub.

Qeyd edək ki, rəsmi məlumata görə, 1 nömrəli Füzuli peşə məktəbində yol verilmiş qanunsuzluqlar barədə Baş prokuror yanında Korrupsiyaya qarşı Mübarizə Baş İdarəsində cinayət işi başlanıb.

İstintaq zamanı qeyd olunan təhsil müəssisəsinin direktoru Oqtay Vəliyevin vəzifə səlahiyyətlərindən sui-istifadə və vəzifə saxtakarlığı edərək dövlət büdcəsindən ayrılmış 119 min manatdan artıq pul vəsaitini mənimsəməsinə əsaslı şübhələr müəyyən edilib.

Oqtay Vəliyevə Cinayət Məcəlləsinin 179.2.3 (qulluq mövqeyindən istifadə etməklə mənimsəmə), 308.2 (ağır nəticələrə səbəb olan vəzifə səlahiyyətlərindən sui-istifadə) və 313-cü (vəzifə saxtakarlığı) maddələri ilə yekun ittiham elan edilib.

• Vardanyanın vəkili Qərb mediasında bu təbliğatı aparır
• Çində Azərbaycan binaları tikən İbrahim Cahangiri kimdir?
• Azərbaycan Braziliya Ciu-citsu İctimai Birliyinin təşkilatçılığı ilə Ümumrespublika Seminarı keçirilmişdir. 
• Şuşaya hücum hazırlayan məsul şəxsin adı açıqlandı
• Azərbaycan benzinini alan erməni oliqarx kimdir?
• Taleh Ziyadov bu federasiyanın prezidenti seçildi
• Bəxtiyar Vahabzadənin övladları İlham Əliyevə məktub yazdı
• Vardanyanın Bakıdan İrəvana zəngi: Oğluna nələr dedi...