Ermənistanın Baş naziri Nikol Paşinyan elə bilirdi ki, Azərbaycan Prezidenti İlham Əliyev İrəvanla sülh sazişinin noyabrda Bakıda keçiriləcək COP29 beynəlxalq tədbirinə qədər imzalanmasında maraqlıdır. Bu səbəbdən Paşinyan Əliyevin istənilən, hətta yarımçıq sazişə imza atacağını zənn edirdi. Ancaq İlham Əliyev Ermənistanla yarımçıq sazişi nəinki noyabra qədər, hətta ilin sonuna qədər imzalanmasına maraq göstərmədi və bu mövzunu COP29 tədbirindən ayrı tutdu.
BUTA.TV xəbər verir ki, bu fikirləri politoloq Elxan Şahinoğlu deyib.
Onun sözlərinə görə, yanıldığını anlayan Paşinyan sülh müqaviləsinin qısa zamanda imzalamağa tələsir:
“İndi o, Bakı ilə mətni tam hazır olmayan sazişi noyabra qədər imzalamaq üçün tələsir, bunun iki ölkə arasında barışıq üçün şans olduğunu düşünür. Bu baxımdan Ermənistan Xarici İşlər Nazirliyinin sözçüsü Ani Badalyanın “Bakıda keçiriləcək BMT-nin 29-cu İqlim Fəaliyyəti Sammitinə (COP29) qədər Azərbaycanı sülh müqaviləsini imzalamağa dəvət edirik” ifadəsi Paşinyanın diktəsi ilə yazılıb. COP29 tədbirinə az qalıb. Paşinyan sazişin həmin tədbirə qədər imzalanmasında və özünün də Bakıya gəlib həmin tədbirdə iştirakında bu qədər maraqlıdırsa, Konstitusiya dəyişikliyinə getməlidir. Bunsuz sülh sazişinin imzalanması mümkün olmayacaq”
- Bakıda güclü partlayış: rəsmi açıqlama yayıldı - Video
- Bakıdakı partlayışda xəsarət alan varmı? - DİN-dən açıqlama
- Azərbaycandan Britaniya deputatlarına etiraz...
- Onlarla bağlı təşkilatlara dəfələrlə müraciətlər edilsə də...
- Putin və Szinpin bu səfərdən imtina etdilər – Müəmma
- Təhqir, qeybət, xəyanət... – Gündəmdə qalmaq üçün hər şeyə razıdırlar
- Ordumuz regional sülhün və təhlükəsizliyin əsas qarantıdır
- Azərbaycan Ordusunun yaradılmasından 107 il ötür