Şuşa üç ildən artıqdır ki, bərpa olunur, yenidən qurulur. O cümlədən Şuşada bu günə kimi 20-yə yaxın tarixi abidəmiz tam bərpa edilib.

BUTA.TV xəbər verir ki, bu sözləri Şuşa şəhərində Azərbaycan Respublikası Prezidentinin xüsusi nümayəndəsi Aydın Kərimov bildirib.

Bu gün Şuşada 10-dan artıq ölkəni təmsil edən memarların, beynəlxalq ekspertlərin iştirakı ilə “Şuşa şəhərinin İslam memarlıq irsi” adlı simpoziumun keçirildiyini vurğulayan xüsusi nümayəndə qeyd edib ki, qonaqlar İslam memarlığının gözəl nümunəsi olan Şuşa şəhərinin memarlıq irsi ilə, onun qorunub saxlanması istiqamətində aparılan işlərlə də tanış olublar.

Qeyd edək ki, Şuşa Şəhəri Dövlət Qoruğu İdarəsinin təşkilatçılığı, İCESCO-nun dəstəyi ilə Şuşa şəhərində “Şuşa şəhərinin islam memarlıq irsi” adlı simpozium işə başlayıb. Simpozium Şuşa şəhərinin 2024-cü il üçün “İslam dünyasının mədəniyyət paytaxtı” elan edilməsi ilə əlaqədar hazırlanan tədbirlər planı çərçivəsində keçirilir. Tədbirdə Azərbaycanla yanaşı, Türkiyə, Misir, BƏƏ, Tunis, Keniya, İordaniya, İtaliya, Mərakeş, Səudiyyə Ərəbistanı və Böyük Britaniyadan olan 80-dən çox memar iştirak edir.

• DİN-dən "Son zəng"lə bağlı məlumat...
• Tramp ad günündə müqaviləni imzalamaq istəyir - SEPAH
• “Aqrar sahənin dünya standartlarına çatdırılması üçün inqilabi yeniliklərə ehtiyac yoxdur” - Ekspert
• Bakıda bu parkinqlərin fəaliyyəti müvəqqəti məhdudlaşdırılacaq - Siyahı
• Flora Kərimovanın son durumu açıqlandı
• “Deyirdi, lift işləmir, qohum-əqrəbalarının qaldığı mərtəbələrə qalxırmış” - Video
• Naxçıvana uçan təyyarə ildırımlı havaya görə geri qayıtdı
• Flora Kərimova xəstəxanaya yerləşdirildi - Müalicəsi Mehriban Əliyeva tərəfindən nəzarətə götürüldü