VII çağırış Milli Məclisin sədr müavini Musa Qasımlı AMEA-nın Qafqazşünaslıq İnstitutunun direktoru vəzifədən azad edilib.

BUTA.TV xəbər verir ki, bu barədə AMEA Rəyasət Heyətinin iclasında məlumat verilib.

Qeyd olunub ki, İnstitutun direktoru AMEA-nın müxbir üzvü Musa Qasımlı başqa işə keçməsi ilə əlaqədar öz xahişi ilə tutduğu vəzifədən azad edilib. İnstitutun direktoru vəzifəsinin icrası elmi işlər üzrə direktor müavini siyasi elmlər doktoru Ramilə Dadaşovaya həvalə olunub.

Həmçinin AMEA-nın Humanitar Elmlər Bölməsinin Elmi şurasının oktyabrın 7-də keçirilən seçkiyə əsasən, sənətşünaslıq üzrə fəlsəfə doktoru Xəzər Zeynalov AMEA-nın Memarlıq və İncəsənət İnstitutunun elmi işlər üzrə direktor müavini vəzifəsinə təsdiqlənib.

İclasda eyni zamanda akademiyada yeni şöbələrin yarandığı da diqqətə çatdırılıb. Belə ki, AMEA-nın Lənkəran REM-in strukturunda mərkəzin daxili imkanları hesabına Herontoloji tədqiqatlar şöbəsi yaradılıb.

Bundan başqa, Rəyasət Heyətinin qərarı ilə AMEA-nın Memarlıq və İncəsənət İnstitutunda daxili imkanlar və mövcud ştat cədvəli (vahidi) əsasında Türk sənət tarixi və mədəni irsi şöbəsi yaradılıb.

• Ordumuz regional sülhün və təhlükəsizliyin əsas qarantıdır
• Azərbaycan Ordusunun yaradılmasından 107 il ötür
• Azərbaycanda saxta alkoqollu içkilər aşkarlandı
• “Bir tüstü vurdum, həyatım dəyişdi” – 20 yaşlı narkoman qızın DƏHŞƏTLİ etirafları
• Şəbnəm Tovuzlunu “dollar yağışı”na tutan ailə narkotacir imiş - SENSASİON ƏMƏLİYYAT
• Faytonçu Nazim həmin həkimdən 50 min manat alıbmış
• Akopyanın Antalyada xərclədiyi şok etdi: Şampan vannası...
• Konqodan olan tələbələr də Azərbaycana təxliyə olundu