Azərbaycan Respublikası Prezidentinin müvafiq sərəncamı ilə ölkəmizdə 2024-cü ilin elan olunduğu “Yaşıl dünya naminə həmrəylik ili” çərçivəsində Fövqəladə Hallar Nazirliyi tərəfindən növbəti ağacəkmə aksiyası keçirilib.
BUTA.TV xəbər verir ki, fövqəladə hallar naziri general-polkovnik Kəmaləddin Heydərov və Nazirliyin kollektivinin iştirak etdiyi aksiya Abşeron rayonunda yerləşən “İzotop” xüsusi kombinatının ərazisində təşkil olunub.
Aksiya ətraf mühitin və ekoloji tarazlığın qorunmasına, yaşıllıqların artırılmasına dəstək verilməsi, eləcə də vətəndaşlar arasında ekoloji mədəniyyətin, təbiətə qayğı hissinin təbliğ edilməsi məqsədilə təşkil olunub.
Ağacəkmə aksiyasında Fövqəladə Hallar Nazirliyinin əməkdaşları tərəfindən eldar şamı, çinar və zeytun ağacları əkilib, onlara müvafiq aqrotexniki qulluq göstərilib.
Qeyd edək ki, Fövqəladə Hallar Nazirliyi tərəfindən ağacəkmə aksiyaları mütəmadi olaraq təşkil edilir.
- Aşxen Aleksanyan Azərbaycana casusluq ittihamı ilə saxlanıldı
- Azərbaycan Cənubi Qafqazda davamlı sülhün bərqərar olmasına çalışır
- Türkiyəyə qarşı “təzyiq aləti” - Paşinyan imkan vermədi
- Alimdən xəbərdarlıq: Nəsiminin gorunu açmaq...
- Rusiya səfirliyimizə raket atdı
- Azərbaycanla sülhün olması o demək deyil ki... - Paşinyan
- Prezident Maqdalena Qrononu qəbul etdi - Foto
- Bakı və bizi dəvət ediblər, üzv ola bilərik - Mirzoyan