Rusiya hakimiyyəti tərəfindən repressiyalar bütün təzahürlərdə - həm xarici, həm də daxili siyasətdə, o cümlədən etnik azlıqlara münasibətdə aşkardır.

BUTA.TV xəbər verir ki, bu barədə Report-a Avropa Birliyi (AB) rəsmi nümayəndəsi Anita Hipper bildirib.

"Nəticədə zorakılıq, işgəncə və qeyri-insani rəftar baş verir ki, bu da insanların ölümünə səbəb olur", - o qeyd edib.

Azərbaycanlıların vəhşicəsinə öldürülməsi və yaralanması ilə nəticələnən Yekaterinburq hadisələri və digər şəhərlərdə sonrakı reydlərlə bağlı suala cavab verən A.Hipper qeyd edib ki, Rusiya güc strukturları tərəfindən etnik azərbaycanlılara qarşı zorakılıq, işgəncə və qeyri-insani rəftar barədə məlumatlarla bağlı narahatlığı daha əvvəl AB-nin Azərbaycandakı səfiri Peter Mixalko ifadə edib.

Onun sözlərinə görə, bu, AB-nin rəsmi mövqeyi ilə tam üst-üstə düşür.

Xatırladaq ki, iyunun 27-də səhər Rusiya Federal Təhlükəsizlik Xidməti Yekaterinburqda azərbaycanlıların evlərinə basqın edib. Reyd zamanı iki nəfər öldürülüb, bir neçə nəfər isə xəsarət alıb. Öldürülən azərbaycanlılar tanınmış jurnalist Seyfəddin Hüseynlinin qardaşlarıdır. Onlar iyulun 1-də Ağcabədidə dəfn olunublar.

Azərbaycan Xarici İşlər Nazirliyi iyunun 28-də bəyanatla çıxış edərək, araşdırma aparılmasını və bu yolverilməz zorakılıq aktının günahkarlarının məsuliyyətə cəlb edilməsini tələb edib. Daha sonra XİN-ə Rusiyanın müvəqqəti işlər vəkili çağırılıb, ona baş verənlərlə bağlı kəskin etiraz bildirilib.

• İlham Əliyevin hesablarında Zirvə görüşündən paylaşım - Video
• Uraloğludan Xankəndidən təsirli sözlər - Foto
• Şərif özü və Ərdoğan üçün Xankəndidən ev istədi - Video
• Şahbaz Şərifin Azərbaycana səfəri başa çatdı
• İlham Əliyevlə bu barədə razılığa gəldik - Şərif
• Elşən İbrahimov Rusiya vətəndaşlığından niyə çıxarılıb?
• Ərdoğan, Şərif və Əliyevin əl-ələ tutaraq mühüm mesajı - Video
• Hər bir məsələdə Azərbaycanın yanındayıq - Ərdoğan