“Arsenal”ın və Uels millisinin əfsanəvi sabiq futbolçu Aaron Remzi futbolçu karyerasını başa vurub.

BUTA.TV xəbər verir ki, 35 yaşlı yarımmüdafiəçi bu barədə sosial şəbəkə hesabında paylaşım edib.

“Bu, asan qərar olmadı. Uzun düşüncələrdən sonra karyeramı bitirməyə qərar verdim. İlk növbədə Uels millisinə təşəkkür edirəm. Bu formanı geyinmək və bu qədər unudulmaz anlar yaşamaq mənim üçün böyük şərəf idi. Bu yolda işlədiyim bütün məşqçilərə və personal üzvlərinə minnətdaram.

Azarkeşlərə müraciət edirəm: siz həm çətin, həm də xoş günlərdə yanımda oldunuz. Birlikdə enişlərdən və yüksəlişlərdən keçdik və siz uğurlarımızın ayrılmaz hissəsi oldunuz. Sizə təşəkkür etməyə söz tapmıram. Karyeram boyunca çıxış etdiyim bütün klublara da təşəkkür edirəm. Mənə bu səviyyədə oynamaq imkanı yaratdığınız üçün minnətdaram" - deyə, o, açıqlamasında qeyd edib.

Qeyd edək ki, Aaron Remzinin son klubu Meksikanın “Pumas” komandası olub. O, karyerası ərzində həmçinin İtaliyanın “Yuventus”, Fransanın “Nitsa” və Uelsin “Kardiff” klublarında çıxış edib.

• Şamaxıda zəlzələ oldu
• Binəqədidə yaşayış binasındakı yanğın söndürüldü - Yenilənib-Fotolar-Video
• Bakıya dolu düşəcək
• Abşeronun bəzi ərazilərinə dolu düşəcək - Xəbərdarlıq
• XİN Azov dənizində yaralanan azərbaycanlıların vəziyyətini - Açıqladı
• Ermənistanda seçki məntəqələrində bomba həyəcanı - DİN açıqlama yaydı
• DÇ-yə pəncərəsiz avtobusla getdilər - Video
• Bir həftəyə olan 100 gündə oldu