Azərbaycanın aparıcı sənaye qruplarından olan “Azərsun Holdinq”in idarəetməsində strateji dəyişiklik həyata keçirilib.

BUTA.TV Qol.az-a istinadən xəbər verir ki, bu barədə holdinqin yaydığı açıqlamada bildirilib.

Şirkətlər Qrupunun Müşahidə Şurasının sədri vəzifəsinə Tahir Gözəl təyin edilib.

Bildirilib ki, bu dəyişiklik ailə biznesinin növbəti nəslə etibarını və holdinqin müasir, innovativ idarəçilik modelinə keçidini simvolizə edir.

Qeyd edək ki, T. Gözəl Şeffild Universitetinin Menecment fakültəsinin və Fransa Sup de Co Universitetinin məzunudur. O, “Greentech” və digər qlobal şirkətlərə rəhbərlik etməklə yanaşı, ölkəmizdə süni intellekt və İT sahəsində ən müasir standartlara cavab verən “Proxima” şirkətinin qurucusudur.

Yeni sədr “Azərsun Holdinq”in ixrac coğrafiyasını hazırkı 40 ölkədən 60-a çatdırmağı, istehsalatda AI əsaslı optimallaşdırmanı tətbiq etməyi və “Made in Azerbaijan” brendini dünyaya tanıtmağı hədəfləyir.

O, həmçinin “Qarabağ” Futbol Klubunun rəhbəri, 6 xarici dildə sərbəst danışan iş adamıdır, ailəlidir, 3 övladı var.

• Müdafiə Nazirliyi həftəlik icmalını təqdim etdi - Video
• Bakıya dolu düşəcək
• Bakıda hündürmərtəbəli bina yanır - Video
• XİN Azov dənizində yaralanan azərbaycanlıların vəziyyətini - Açıqladı
• Ermənistanda seçki məntəqələrində bomba həyəcanı - DİN açıqlama yaydı
• DÇ-yə pəncərəsiz avtobusla getdilər - Video
• Bir həftəyə olan 100 gündə oldu
• Sabahın hava proqnozu açıqlandı