Uzun müddət öncə bu bankdan kredit götürməyə məcbur olmuşdum və sonuncu ödəniş 19 fevral 2026-cı ildə "Dostbank" vasitəsilə göstərilən yekun məbləğ - 197 manat əvəzinə qəpik-quruş borc qalmaması üçün öz əməkdaşlarının tövsiyəsi ilə 200 manat ödəmişəm. Üstündən artıq 2 aya yaxın vaxt keçib və bu müddətdə heç bir əməkdaş zəng edib qəpik borcu qalmasını da deməyib, mesaj, bildiriş gəlməyib.

BUTA.TV xəbər verir ki, bunu tanınmış jurnalist Elşad Məmmədli özünün Feysbuk hesabında yazıb.

Onun sözlərinə görə, borcu tamamilə ödəməsinə baxmayaraq, bu gün adında yeni kredit borcu olduğunu öyrənib:

“Bu gün digər bankdan kredit məhsulu almaq istəyirdim, bu zaman bəlli oldu ki, adımda “Bank of Baku”da 45 gündən çox gecikmə ilə ödənməmiş borc var, yeni kredit ayrıla bilməz. Araşdırdıq, bəlli oldu ki, “Bank of Baku” adlı soyuğunçuluq təşkilatında guya 27 qəpik qalıq borcdan yaranmış 2 manat kredit qalığım varmış. Hansı ki, mən 197 manat əvəzinə, hətta 200 manat ödəmişəm, belə bir tərbiyəsizliyi həyata keçiriblər.

Bu, tam bir bank möhtəkirliyidir, soyğunçuluğudur və vətəndaşa, müştəriyə qarşı nadanlıqdır.

11 min manat kreditə görə 2 il ərzində 16 min manatdan çox pul ödəmişəm, yekunda da belə axmaq davranışı ediblər”.

Jurnalist Azərbaycan Respublikasının Mərkəzi Bankından məsələ ilə bağlı tədbir görməsini də xahiş edib.

Məsələ ilə bağlı “Bank of Baku”ya sorğu göndərilib.

• Şahdağa qar yağdı – Faktiki hava
• Məktəbdən küçəyə daşan qəzəb - Nəyi gözdən qaçırırıq?
• I və IV qruplara qəbul imtahanları başladı
• Tanınmış musiqiçinin azyaşlı oğlu faciəvi şəkildə həlak oldu - Fotolar
• Qadın binadan yıxıldı, 5-ci mərtəbədə asılı qaldı - Video
• “Xətrinə dəymişəmsə, bağışla məni, bala” - Video
• Həlak olan kapitanın xanımı: Hər kəsi xilas etsə də... - Video
• Zığdakı kütləvi dava ilə bağlı - 7 nəfər saxlanıldı