Xüsusi Təyinatlı Qüvvələrin yaradılmasının 24-cü ildönümü münasibətilə tədbir keçirilib.
Bu barədə BUTA.TV-a Müdafiə Nazirliyindən bildirilib.
Əvvəlcə hərbi hissədə ulu öndər Heydər Əliyevin büstü və şəhidlər abidəsi ziyarət olunub, əklil və gül dəstələri qoyulub.
Sonra Azərbaycan xalqının ümummilli lideri Heydər Əliyevin və ölkəmizin müstəqilliyi, ərazi bütövlüyü uğrunda həlak olan şəhidlərimizin xatirəsi bir dəqiqəlik sükutla yad edilib. Dövlət himni səsləndirilib.
Xüsusi Təyinatlı Qüvvələrin yaranmasının ildönümü münasibətilə Müdafiə nazirinin təbriki şəxsi heyətə çatdırılıb.
Daha sonra Xüsusi Təyinatlı Qüvvələrin komandanı general-leytenant Hikmət Mirzəyev çıxış edərək XTQ-nin yaranma tarixindən, keçdiyi döyüş yolundan və qarşıda duran vəzifələrdən danışıb. Ulu öndər Heydər Əliyevin ordu quruculuğu istiqamətində başladığı işlərin ölkə Prezidenti, Silahlı Qüvvələrin Ali Baş Komandanı cənab İlham Əliyev tərəfindən bu gün də uğurla davam etdirildiyini xüsusi vurğulayıb.
Tədbir zamanı xidmətdə fərqlənən, yüksək nizam-intizamı ilə seçilən xüsusi təyinatlılar “Fəxri Fərman”, qiymətli hədiyyə və “növbəti rütbə” ilə təltif olunublar.
Xüsusi Təyinatlı Qüvvələrin yaranmasının ildönümünə həsr olunan tədbir şəxsi heyətlə birlikdə tortun kəsilməsi ilə başa çatıb.
- Azərbaycan benzinini alan erməni oliqarx kimdir?
- Taleh Ziyadov bu federasiyanın prezidenti seçildi
- Bəxtiyar Vahabzadənin övladları İlham Əliyevə məktub yazdı
- Vardanyanın Bakıdan İrəvana zəngi: Oğluna nələr dedi...
- Ceyhun Rəhmanova MOK-da yeni vəzifə verildi
- İstanbulla İrəvan arasında müntəzəm uçuşlara başlanılır
- Bakcell Media Savadlılığı Konfransının innovasiya tərəfdaşıdır
- FHN “açıq qapı günü” tədbiri keçirdi - Video