ADPU-nun əsas korpusunun bufetindən qabağında kitab olan tələbələri qovan şəxs universitetin inzibati departamentinin müdiridir.

Bu sözləri BUTA.TV-a açıqlamasında ADPU-nun mətbuat katibi Cavid Hüseynov deyib.

Onun sözlərinə görə, universitetin professor-müəllim və tələbə heyətindən dəfələrlə bu barədə şikayət daxil olub:

“Hər hansı qida qəbul etmədikləri halda yeməkxanadakı yerləri məşğul edən tələbələr var və buna görə də digər müəllim və tələbələr yeməkxanadan istifadə edə bilmir.

Mövcud vəziyyətlə bağlı yeməkxanadakı həmin tələbələrlə bir neçə gün ərzində söhbətlər aparılıb. Təəssüf ki, tələbələrə bu məsələ dəfələrlə izah edilsə də, bəziləri bunu anlayışla qarşılamayıb və tövsiyələrə məhəl qoymayıb”, - Hüseynov qeyd edib.

Mətbuat katibi xatırladıb ki, universitetin yeni istifadəyə verilmiş Kitabxana-İnformasiya Mərkəzi və əlavə geniş oxu zalında tələbələrin oxumaq, tapşırıqlar işləmək, internetdən istifadə etmək və elektron kitabxanaya daxil olmaq üçün bütün şərait mövcuddur:

“Eyni zamanda Kitabxana-İnformasiya Mərkəzində tələbələrin rahatlıqla çay-kofe və qəlyanaltı ala və müzakirələr apara biləcəkləri mini-kafe də fəaliyyət göstərir.

Bu səbəbdən də tövsiyə olunur ki, tələbələr bu məqsədlə yeməkxanadan yox, oxu zalından və ya müzakirə otaqlarından istifadə etsinlər. Həmçinin, nəzərə almaq lazımdır ki, yeməkxanadakı səs-küydə dərs oxumaq demək olar ki, mümkünsüzdür və tələbələrin bu məqsədlə digər imkanlardan istifadə etməsi daha məqbuldur”.

Qeyd edək ki, dünən ADPU-nun tələbələrinin bufetdən qovulmasını əks etdirən görüntülər yayılmışdı.

• İrandakı hadisələr iqtisadiyyatımıza necə təsir edəcək?
• Azərbaycan və Ermənistan nümayəndələri bu əraziyə baxdı
• “Tramp yolu” Putinlə müzakirə olunub - Paşinyan
• Fidandan Zəngəzur dəhlizi ilə bağlı açıqlama
• ABŞ Azərbaycan vətəndaşları üçün vizanı dayandırır?
• Naxçıvana maneəsiz nəqliyyat əlaqəsi... - Paşinyan
• Bu sazişlər tez təsdiqlənməlidir - Paşinyan
• Azərbaycanlı fotoqraf Makrona məktub yazdı