Kreml ABŞ Prezidenti Co Baydenin dünyanın yeni nizama ehtiyacı olduğu barədə sözlərini dəstəkləyir, lakin Moskva belə bir nizamın Vaşinqton tərəfindən qurula biləcəyi ilə razılaşmır.

BUTA.TV xəbər verir ki, bunu Kremlin mətbuat katibi Dmitri Peskov deyib.

“Biz cənab Baydenlə tamamilə razıyıq. Bu, onun dedikləri ilə tamamilə razı olduğumuz nadir haldır. Həqiqətən də dünyanın tamamilə fərqli prinsiplərə əsaslanan yeni dünya nizamına ehtiyacı var. Bu dünya nizamı bütün idarəetmə mexanizmlərini bir dövlətin əlində cəmləşdirmək, öz iradəsini və qərarlarını başqa ölkələrə sırımaq cəhdlərindən azad olmalıdır. Əksinə, qaydalara deyil, beynəlxalq hüquqa əsaslanan, qarşılıqlı hörmət, qarşılıqlı fayda, bir-birinin daxili işlərinə qarışmamağa əsaslanan dünya nizamı olmalıdır. Onlar ABŞ mərkəzli dünya nizamını nəzərdə tuturlar. Yəni ABŞ ətrafında fırlanan dünya. Artıq belə olmayacaq”, - Peskov bildirib.

• Prezidentdən Dövlət Suverenliyi Günü ilə bağlı mühüm qərar
• Qonşuda ev yanırsa, Azərbaycan heç vaxt rahat ola bilməz
• Bakıda Liderlərin Zirvə Görüşü olacaq - İlk dəfə...
• Azərbaycan bu baxımdan vacib ölkədir - Bayraqdar
• Əhali bu banklardan niyə narazıdır? – Səbəblər bəlli oldu
• Türkiyə məhkəməsi Gültəkin Hacıbəyli ilə bağlı qərar verdi
• İcra başçıları KÜTLƏVİ ixtisarlara başladı – Vəzifələr ləğv edilir
• Van Dammın azərbaycanlı gəlinindən xəbərdarlıq