Mərhum müğənni-bəstəkar Rəhim Rəhimlinin mahnıları məşhur "Spotify" platformasına yüklənərək rəsmi şəkildə qeydiyyatdan keçirilib.
Bu barədə müğənni-bəstəkar Murad Arif məlumat yayıb. "Rəhim Rəhimlinin bütün audio və video arxivini şirkətimizə yönəltdim. Artıq onun musiqisi hər yerdə olacaq. Sağlığında da israrla bura gətirmək istədiyim bir ifaçı idi Rəhim. O vaxtlar dil tökdüm, lakin alınmadı.
"Muradik, köhnə mahnılarım kimə lazımdır? Arxiv evdədir. Köhnə kasetləri kimdir araşdıran? Nə edirsən yutub kanalını?" deyirdi. Öldükdən sonra qardaşı ilə bunu edə bildim. Bunu niyə deyirəm? Çünki kənardan o qədər can yandıranlar var ki... Amma heç kəs əməli surətdə bunu göstərmir. Bütün arxivin yayılmasında nə qədər səy göstərdim. Sağ olsaydı indi yenə deyərdi, "Muradik, yenə də sən..."
Ruhun şad olsun, dostum. Rəhimsevənlərə də gözəl, musiqili anlar diləyi ilə" deyə, Murad bildirib.
Qeyd edək ki, R.Rəhimli ötən ilin sentyabrında dünyasını dəyişib. (Axşam.az)
- Ukraynada savaşmağa azərbaycanlılara 28 min təklif olunur
- Yeniyetməni xilas edən Mikayıl Gözəlovun oğlu imiş - Foto
- Bu şəxslərin iş yerində saxlanılmasına üstünlük veriləcək
- Hansı hallarda vəzifəlilərin maaşları saxlanılacaq?
- İranda aksiyalar vaxtı yandırılan məscidlərin sayı şok etdi
- Əmr verilib, hücum hazırlanıb: Tramp son anda imtina edib
- 4 erməni məhbus buna görə qaytarılıb - Saakyan
- Rusiya Ukraynada “batır”, Çinin sazişi var - İran təkləndi