Ağır oyun oldu. Oyunçularımdan razı qaldım. İnanıram ki, bundan sonra da belə davam edəcəyik.
BUTA.TV xəbər verir ki, bu sözləri “Neftçi”nin baş məşqçisi Adrian Mutu Rusiyanın “Zenit” klubuna 2:1 hesabı ilə qalib gəldikləri oyundan sonra təşkil edilən mətbuat konfransında deyib.
Rumıniyalı mütəxəssis bildirib ki, komandanın bir çox üzvü inkişaf edib. Əsasən də Reziuan Mirzov oyundan-oyuna daha yaxşı çıxış edir. O, bunu bu gün dubl etməklə sübuta yetirdi.
“Zenit” kimi güclü rəqibə qalib gəlib Premyer Liqa oyunlarında məğlub olmağın üzücü durum olduğunu söyləyən çalışdırıcı deyib:
“Bu vəziyyət bizə olduqca pis təsir edir. Çünki çempionat oyunlarına da eyni formada məşqlərlə hazırlaşırıq. Amma nəticə ürəkaçan olmur”.
A. Mutu bəzi futbolçuların komandaya hələ tam uyğunlaşmadığını vurğulayaraq bildirib:
“Yeni transfer olunan oyunçuların uyğunlaşma prosesi elə də asan deyil. Qapıçımız Rza Cəfərovun isə zədəsi hələ sağalmayıb. Ona görə görüşlərə çıxa bilmir. Açığı, bəzi çempionatlarda tələblər başqa olur, məğlubiyyətdən sonra tənqid çox olmur. Amma burada hər şey fərqlidir”.
- Belə kartof almayın! – Adamı zəhərləyir
- Ukraynada savaşmağa azərbaycanlılara 28 min təklif olunur
- Yeniyetməni xilas edən Mikayıl Gözəlovun oğlu imiş - Foto
- Bu şəxslərin iş yerində saxlanılmasına üstünlük veriləcək
- Hansı hallarda vəzifəlilərin maaşları saxlanılacaq?
- İranda aksiyalar vaxtı yandırılan məscidlərin sayı şok etdi
- Əmr verilib, hücum hazırlanıb: Tramp son anda imtina edib
- 4 erməni məhbus buna görə qaytarılıb - Saakyan