Qış mövsümünə keçidlə əlaqədar “Azəristiliktəchizat” tərəfindən noyabr ayının 15-dən etibarən binalara istilik verilməsinə başlanılsa da, Binəqədi rayonu, Dərnəgül qəsəbəsi, A.Gəraybəyli küçəsindəki 31 və 31 A saylı binalara, həmçinin binalara yaxın ərazidə yerləşən 215 saylı uşaq bağçasına hələ də istilik verilməyib.
BUTA.TV xəbər verir ki, bu barədə saytımıza Azərbaycan Jurnalistlər Birliyinin üzvü Rauf Məmmədzadə bildirib.
R.Məmmədzadənin sözlərinə görə, problemlə bağlı Bakı İcra Hakimiyyətinə, Binəqədi Rayon İcra Hakimiyyətinə, Azəristiliktəchizat ASC və onun Binəqədi rayon təşkilatına çoxsaylı müraciətlər edilib:
“Müraciətlərimizə isə cavab olaraq bildirilir ki, həmin əraziyə gələn magistral istilik xəttində ciddi nasazlıq var və onun aradan qaldırılması hazırda mümkünsüzdür. Bu məsələni mümkünsüz edən isə həmin istilik xəttinin üstündə beşmərtəbəli yeni tikintinin olmasıdır”.
Məsələ ilə bağlı saytımıza açıqlama verən, Azəristiliktəchizat ASC-nin mətbuat katibi Elvin Basqallı deyib ki, icra hakimiyyətinə müraciət edilib:
“Ən qısa vaxtda binaların və bağçanın istiliyi bərpa ediləcək”.
- Hindistan elan etdi: Bu raketlər İrəvana çatdırıldı
- Belə kartof almayın! – Adamı zəhərləyir
- Ukraynada savaşmağa azərbaycanlılara 28 min təklif olunur
- Yeniyetməni xilas edən Mikayıl Gözəlovun oğlu imiş - Foto
- Bu şəxslərin iş yerində saxlanılmasına üstünlük veriləcək
- Hansı hallarda vəzifəlilərin maaşları saxlanılacaq?
- İranda aksiyalar vaxtı yandırılan məscidlərin sayı şok etdi
- Əmr verilib, hücum hazırlanıb: Tramp son anda imtina edib