Noyabrda Bakıda keçiriləcək COP29 sammiti çox ciddi və dünyaca əhəmiyyətli tədbirdir. Artan müharibələr və münaqişələr fonunda planetin gələcəyi ilə bağlı narahatlıq doğuran məsələlər var. Bütün bunların müzakirə olunacağı, hətta həll ediləcəyi bir ölkə, şübhəsiz, tarixdə iz qoyacaq.

BUTA.TV xəbər verir ki, bu sözləri Globalinfo.az-a politoloq Qabil Hüseynli COP29 qabağı Qərbin Azərbaycana qarşı qara PR kampaniyasını intensivləşdirməsini şərh edərkən deyib.

O bildirib ki, Qərbdəki bəzi dairələr bu tədbirin Bakıya qazandıracağı üstünlükləri yaxşı bilir:

“Başda Fransa olmaqla bəzi dairələr Azərbaycanı gözdən salmaq, nüfuzuna xələl gətirmək, hətta daxili auditoriyada sammitlə bağlı qəzəb yaratmaq üçün bu yola əl atırlar.

Burada ən çox Fransa detalı diqqət çəkir. Rəsmi Paris bir müddət öncə baş tutan Paris Yay Olimpiya oyunlarında üzləşdiyi fiaskonu unutdurmaq istəyir. Açıq irqçilik, islamafobiya ilə yadda qalan Paris-2024 bu gün də geniş müzakirə edilir. Belə bir uğursuzluğu ancaq başqa, daha böyük fiasko unutdura bilər. Fransa bu gün canla-başla çalışır ki, COP29 ilə bağlı qara PR kampaniyası aparsın və tədbiri sabotaj etsin”.

“Bir müddət öncə Fransadan ölkəmizə gələn jurnalistin əsassız şəkildə yazdığı məqalə də Parisin məqsədinin nə olduğunu göstərir. Fikrimcə, hələ tədbirə qədər, hətta sonrasında da biz Fransa və Qərbin bu kimi anti-Azərbaycan mövqeyi və qara PR kampaniyası ilə üzləşəcəyik. Amma belə ucuz variantlar Bakını yolundan döndərə bilməz”, - politoloq bildirib.

• İsraillə qarşıdurma: İran əmindir ki, Bakı buna imkan verməz!
• İranda şok açıqlama: Trampa və Netanyahuya dəstək verildi
• İlham Əliyev İran səfirini qəbul etdi
• Yaşar Gülər Kərim Vəliyevi qəbul etdi
• Azərbaycan özünün enerji potensialını daim artırır
• Bakıda güclü partlayış: rəsmi açıqlama yayıldı - Video
• Bakıdakı partlayışda xəsarət alan varmı? - DİN-dən açıqlama
• Azərbaycandan Britaniya deputatlarına etiraz...