Rusiya Ukraynadakı münaqişəyə sülh yolu ilə son qoymaq üçün dialoq aparmağa hazırdır.

BUTA.TV APA-ya istinadən verir ki, bunu Rusiya Prezidenti Vladimir Putin BRİKS ölkələrinin media rəhbərləri ilə görüşündə deyib.

O, Rusiyanın Kiyevlə ancaq İstanbul razılaşmaları əsasında dialoq aparmağa hazır olduğunu söyləyib.

Putin bildirib ki, Ukrayna ilə bağlı konfrans üçün mümkün məkan kimi Səudiyyə Ərəbistanının əleyhinə deyil, amma məsələ “nəyi müzakirə etməkdir”.

Putin hesab edir ki, Kiyev əvvəlcə Rusiya Federasiyası ilə danışıqları qadağan edən dekreti ləğv etməlidir.

O deyib ki, Rusiya Federasiyası Ukraynada sülh yolu ilə nizamlanmanı istəyir, o cümlədən öz əsgərlərini düşündüyü üçün:

"Rusiyalı əsgərlər xüsusi əməliyyat zamanı öz əraziləri üçün döyüşürlər. Rusiya silahlı mübarizəni davam etdirməyə hazırdır, Qələbə bizim olacaq".

Rusiya prezidenti Ukraynada “bir həftəlik, iki və ya bir illik atəşkəsə” qarşıdır. Onun sözlərinə görə, dayanıqlı sülh üçün şərait lazımdır.

Putin qeyd edib ki, NATO Rusiya ilə Ukrayna əsgərlərinin əli ilə vuruşur, Kiyevin üçüncü ölkələrin maraqları naminə öz hərbçilərinə heyfi gəlmir:

"Ukrayna ordusunun özü yüksək dəqiqlikli silahlardan istifadə etmək iqtidarında deyil, bütün bunları NATO mütəxəssisləri edir".

• DİN-dən "Son zəng"lə bağlı məlumat...
• Tramp ad günündə müqaviləni imzalamaq istəyir - SEPAH
• “Aqrar sahənin dünya standartlarına çatdırılması üçün inqilabi yeniliklərə ehtiyac yoxdur” - Ekspert
• Bakıda bu parkinqlərin fəaliyyəti müvəqqəti məhdudlaşdırılacaq - Siyahı
• Flora Kərimovanın son durumu açıqlandı
• “Deyirdi, lift işləmir, qohum-əqrəbalarının qaldığı mərtəbələrə qalxırmış” - Video
• Naxçıvana uçan təyyarə ildırımlı havaya görə geri qayıtdı
• Flora Kərimova xəstəxanaya yerləşdirildi - Müalicəsi Mehriban Əliyeva tərəfindən nəzarətə götürüldü