Sumqayıt Məhkəmə Kompleksində “Tərtər işi” ilə bağlı ittiham olunan bir qrup şəxsin cinayət işi üzrə məhkəmə prosesi başa çatıb.

BUTA.TV Report-a istinadən xəbər verir ki, bu gün Bakı Hərbi Məhkəməsində keçirilən prosesdə hökm oxunub.

Hökmə əsasən, Fuad Ağayev 13 il, Qurban Cümşüdov 4 il, Fuad Axundov 9 il 6 ay , Ramil Əhmədov 9 il 6 ay, Cavid Ağadadaşov 4 il müddətinə azadlıqdan məhrum edilib.

Qeyd edək ki, 2021-ci ilin dekabr ayında Baş Prokurorluqda "Tərtər işi" ilə bağlı cinayət işlərinin icraatının təzələnməsi ilə bağlı qərarlar qəbul edilib. İstintaq zamanı ayrı-ayrı hərbi qulluqçulara işgəncə verilməsi, onların qanunsuz azadlıqdan məhrum edilməsi və vəzifə səlahiyyətlərini aşılmasına əsaslı şübhələr müəyyən edilmiş onlarla şəxs cinayət məsuliyyətinə cəlb olunub.

Təqsirləndirilən şəxslərə Cinayət Məcəlləsinin 145.3 (qanunsuz azadlıqdan məhrum etmə), 293.2 (işgəncə, işgəncə hesab olunmayan qəddar, qeyri-insani, yaxud ləyaqəti alçaldan rəftar və ya cəza), 341.2.2 (vəzifə səlahiyyətlərini aşma), 341.2.3 və 128-ci (qəsdən sağlamlığa yüngül zərər vurma) və digər maddələri ilə ittiham irəli sürülüb.

• İsrail-İran savaşı: Ərəblər bir daha əmin oldular ki...
• İran da, İsrail də “qazandığını” deyir: Bəs, uduzan kim?
• Trampın siyasətdə acizliyi üzə çıxdı - Mixaylov
• İran 44 günlük savaşdakı taktikadan istifadə etdi
• Prezident Çen Qianqı qəbul etdi
• İranın dəhşətli zərbəsi: İsrail susdu, Tramp təşəkkür etdi
• Prezident Mingəçevirdə ermənilərin raket atdığı ərazidə...
• Ukrayna vətəndaşları İrandan ölkəmizə təxliyə olundu