"Binə" Ticarət Mərkəzi kimi tanınan, adı isə "Arazavia" MMC olan şirkət barəsində vergilərin, rüsumların ödənilməsi, maliyyə və sığorta qaydaları əleyhinə olan (Məcburi auditdən yayınma) inzibati xəta protokolu tərtib olunub.

BUTA.TV Qaynarinfo-ya istinadən xəbər verir ki, protokol İnzibati Xətalar Məcəlləsinin 464-cü maddəsi ilə irəli sürülüb.

İnzibati Xətalar Məcəlləsinin 464-cü maddəsinə əsasən, "Auditor xidməti haqqında” Azərbaycan Respublikasının Qanunu ilə nəzərdə tutulmuş hallarda həyata keçirilməli olan məcburi auditdən yayınmağa görə vəzifəli şəxslər 300 manatdan 600 manatadək, hüquqi şəxslər 1500 manatdan 2500 manatadək məbləğdə cərimə edilir.

İşə Qaradağ Rayon Məhkəməsinin hakimi Rufan Mürsəlovun sədrliyi ilə baxılacaq.

Qeyd edək ki, "Arazavia” MMC qanuni təmsilçisi Dilşad Əmirova Camşidovnadır. O, "Binə” Ticarət Mərkəzinin direktor müavinidir. Binə Ticarət Mərkəzinin sahibi Kəbirə Məmmədovadır.

• Rusiya səfirliyimizə raket atdı
• Azərbaycanla sülhün olması o demək deyil ki... - Paşinyan
• Prezident Maqdalena Qrononu qəbul etdi - Foto
• Bakı və bizi dəvət ediblər, üzv ola bilərik - Mirzoyan
• Fransanın ölkəmizdəki səfirinin diplomatik fəaliyyəti başa çatdı
• Bakı qarşısında belə bir öhdəlik götürməmişik - Mirzoyan
• Əliyevin məktubu oxunanda Sərkisyan başını aşağı saldı...
• Ölkəmiz regional orta güc dövlətinə çevrilib - Bayramov