Ermənistan İstintaq Komitəsi respublikanın Milli Arxivindən materialların guya Azərbaycana ötürülməsi faktı ilə bağlı dövlətə xəyanət və casusluq maddələri üzrə cinayət işi başlayıb.

BUTA.TV xəbər verir ki, bu barədə məlumatı “Pastinfo” nəşri İstintaq Komitəsinə istinadla yayıb.

Hüquq-mühafizə orqanları ötürülən materialların məzmunu və aid olduğu dövr barədə hələlik açıqlama verməyib. Bununla belə, İstintaq Komitəsi bildirib ki, hazırda istintaq çərçivəsində Milli Arxivin heç bir əməkdaşı saxlanılmayıb.

Mənbələrin məlumatına əsasən, cinayət işi üzrə ittiham olunan bir nəfər var və ehtimal edilir ki, bu şəxs Milli Arxivin keçmiş əməkdaşıdır.

Hazırda cinayət işinin detalları ictimaiyyətə açıqlanmır.

Qeyd edək ki, daha əvvəl mediada Ermənistan Milli Təhlükəsizlik Xidmətinin arxiv işçilərindən ibarət bir qrupu gizli materialları guya Bakıya ötürməkdə şübhəli bilərək, saxladığı barədə xəbərlər yayılmışdı.

• Qafan–İrəvan yolunda Azərbaycan bayrağı - Video
• Türkiyə Gültəkin Hacıbəyli ilə bağlı qərarını verdi
• Tibb müəssisələrində əlavə ödəniş tələbi ilə bağlı tapşırıq
• Ermənistan sülhlə bağlı səmimi görünmür
• AB iki Azərbaycan vətəndaşına sanksiya tətbiq etdi
• Vətən müharibəsi zamanı Türkiyəni bunda ittiham edirdilər
• Vaxt bitdi: Gültəkin Hacıbəyli deport edilmir?
• Azərbaycanla sərhəddə döyüş hazırlığı - Papikyan elan etdi