Azərbaycan heç vaxt Rusiyanın strateji tərəfdaşı olmayıb.

BUTA.TV xəbər verir ki, bunu Rusiya Dövlət Dumasının MDB işləri, Avrasiya inteqrasiyası və həmvətənlərlə əlaqələr komitəsi sədrinin birinci müavini Konstantin Zatulin deyib.

O qeyd edib ki, Azərbaycan nə Aİİ-nin, nə də KTMT-nin üzvüdür:

“Rusiyanın yalnız Aİİ və KTMT üzvlərinə münasibətdə “strateji tərəfdaş” ifadəsi işlədilir. Eyni zamanda, belə üzvlük açıq antirusiya kursundan qorumur. Qarabağın “ermənilərdən təmizlənməsindən” sonra Azərbaycan rəhbərliyinin Rusiyanın mümkün mənfi reaksiyasını gözləmək və ya Rusiyanın bu tip hərəkətlərə müdaxiləsindən ehtiyat etmək üçün heç bir əsası qalmadı. Rusiya ilə xüsusi münasibətləri vurğulamaq zərurəti artıq öz əhəmiyyətini itirib”.

Onun sözlərinə görə, Qarabağ olmasa belə, Azərbaycan da Rusiya kimi ticarət-iqtisadi sahədə əməkdaşlıqdan faydalanmalıdır:

“Rusiyada xeyli sayda Azərbaycan vətəndaşı əmək miqrantı kimi fəaliyyət göstərir, Rusiya vətəndaşları arasında da azərbaycanlılar çoxdur. Amma Azərbaycan müstəqillik tarixi boyu heç vaxt strateji tərəfdaş olmamışdır, bu bizim tərəfimizdən yanlış təsəvvürdür. Azərbaycandan Şimal-Cənub dəhlizinin elementi kimi istifadə etmək planlarımız, fikrimcə, çox problemlidir. Bu iş davam etsə də, hələ ki, irəliləyiş olmayıb”.

• "Sputnik Azərbaycan"dakı əməliyyatla bağlı rəsmi açıqlama
• Azərbaycan səfiri Rusiya XİN-ə çağırıldı
• Bakıda FTX əməkdaşlarının saxlanılması: Rusiya nə planlaşdırırdı?
• Bəylər Eyyubovun yerinə o təyin edildi
• Azərbaycanda rusdilli məktəblərin bağlanması gündəmdə...
• Bəylər Eyyubov yeni vəzifədə
• Ərsin Tatar bu tarixdə Azərbaycana gələcək
• Yekaterinbruqda baş verənlərdə İran izi - Şok açıqlama