Bu gün türk dövlətləri enerji diplomatiyasının daha bir nümunəsini həyata keçirirlər. Azərbaycan qazı artıq Türkiyə üzərindən Hələbə çatdırılacaq. Enerji və Təbii Sərvətlər Nazirliyinə tabe olan BOTAŞ tərəfindən Qəhrəmanmaraşın Türkoğlu rayonundan başlayaraq Suriyaya qədər uzanan 93 kilometrlik boru kəmərinin inşası tamamlanıb. Türkiyə Azərbaycan qazını bu xətt vasitəsilə Kilis üzərindən birbaşa qonşusu Suriya ilə bölüşəcək.
BUTA.TV xəbər verir ki, bunu Türkiyənin hakim Ədalət və İnkişaf Partiyası (AK Parti) sədrinin müavini, Türk Dövlətləri ilə Əlaqələr Baş İdarəsinin rəhbəri Kürşad Zorlu mövzu ilə bağlı açıqlamasında deyib.
“Bu addım, eyni zamanda, Suriyada həyatın normallaşmasını, elektrik enerjisi istehsalının bərpa olunmasını, təhlükəsiz və könüllü qayıdış prosesini sürətləndirir, infrastruktur əsaslı sabitliyi dəstəkləyir. Enerji üzərindən qurulan bu strateji xətt Türk dünyasının regional nizam qurma qabiliyyətini möhkəmləndirməklə yanaşı, inkişaf və sabitlik üçün zəminin dərinləşməsinə də töhfə verir. Türkiyə Prezidentinin liderliyi ilə formalaşan bu baxış ikitərəfli və çoxtərəfli əməkdaşlıqlar vasitəsilə etimad, rifah və sabitlik mühitinin formalaşmasına şərait yaradır. “Dildə, fikirdə, işdə birlik” şüarı ilə biz bütün sahələrdə əməkdaşlığımızı daha da gücləndirəcəyik”, - K.Zorlu qeyd edib.
- Azov dənizində həlak olmuş həmyerlilərimizin nəşləri Vətənə gətirildi
- Gəlinə 40 kilo qızıl taxıb dözümünü sınayırlar - “Eşq şəhəri”ndən reportaj
- Bakıdan Balakənə qatarla getmək istəyənlərin diqqətinə!
- Robototexnika yarışı ilk dəfə Azərbaycanda keçiriləcək
- Əmək müqaviləsi işçiyə hansı hüquqlar verir?
- “Azərişıq” Beyləqanda sahibkarlarla görüş təşkil etdi
- Ramiz Mehdiyevin ev həbsi haqda - Yeni qərar
- Bakıda əməliyyat: 4 nəfər saxlanıldı - Video