Bakı şəhəri Nizami rayonu, Məhsəti küçəsində yerləşən Xəzər Universitetinin (Neftçilər korpusu) bir sıra əmək müqavilələrinin elektron sistemə keçirilmədiyi müəyyən edilib.

BUTA.TV Teleqraf-a istinadən xəbər verir ki, bu səbəbdən ali təhsil müəssisəsi Əmək və Əhalinin Sosial Müdafiəsi Nazirliyi yanında Dövlət Əmək Müfəttişliyi Xidməti tərəfindən tərtib edilmiş protokolla cərimələnib.

Yoxlama zamanı universitetin 43 əməkdaşına aid əmək müqavilələrinin elektron qaydada rəsmiləşdirilmədiyi aşkarlanıb. Nöqsanların aradan qaldırılması üçün qurum universitetə 3 iş günü vaxt verib. Lakin müəyyən olunmuş müddətdə tələb yerinə yetirilmədiyi üçün Xəzər Universiteti İnzibati Xətalar Məcəlləsinin 539.1-1-ci maddəsinə əsasən 2 min manat məbləğində cərimə olunub.

Nizami Rayon Məhkəməsi protokola əsasən cəriməni qüvvədə saxlayıb. Lakin universitet qərarla razılaşmadığını bildirib.

Qeyd olunub ki, Dövlət Əmək Müfəttişliyi Xidməti tərəfindən verilən 3 günlük müddət ərzində işçilərin əksəriyyəti məzuniyyətdə olub. Həmçinin universitetin mövqeyinə görə, işçilər məzuniyyətdə olmasa belə, 43 əmək müqaviləsinin cəmi 3 gün ərzində elektron sistemə daxil edilməsi texniki baxımdan mümkün deyil.

Məhkəmə universitetin bu izahını əsaslı saymayıb.

• İlham Əliyevin Tehrana səfərini gözləyirik - Arakçı
• 20 Yanvar qırğınında iştirak etmiş əsgərdən şok etiraf
• Hərbçilərimizin Qəzzaya göndərilməsi... - Bayramov
• Trampın yalanı: Zelenski “planı” necə oxumaya bilər?
• Qanun dəyişir: 8 min manat müavinət kimlərə veriləcək?
• Arakçı Şəhidlər xiyabanını ziyarət etdi
• Pezeşkian seçildikdən sonra Azərbaycanla bağlı tapşırıq verdi
• İlham Əliyev İranın xarici işlər naziri qəbul etdi