Rusiya Federasiyası və Ukrayna arasında dövlət sərhədilə bağlı 2003-cü ildə imzalanan beynəlxalq hüquqi sənəd yenidən gündəmə gəlib.

BUTA.TV xəbər verir ki, bu barədə sosial şəbəkələrin Ukrayna seqmentində görüntülər yayılıb.

“Görüntülərdə 2003-cü il yanvarın 28-də Ukraynanın sabiq prezidenti Leonid Kuçma və Rusiya Prezidenti Vladimir Putin arasında Kiyevdə Ukrayna dövlət sərhədlərinin toxunulmazlığı və tanınması barədə sənəd imzalanması mərasimini görürsünüz. Sözügedən müqavilədə Ukraynanın dövlət sərhəd xətləri aydın şəkildə öz təsdiqini tapır və ona hörmət etmək öhdəliyi vurğulanır.

2003-cü ildə Rusiyanın Ukrayna sərhədləri ilə bağlı mövqeyi müsahibə və ya bəyanatlarda deyil, beynəlxalq imza ilə qeydə alınır.

İndi isə məhz həmin sərhədləri Rusiya tank və raketlərlə pozur.

Əgər yüksək səviyyədə imzalanmış beynəlxalq müqavilələr illər sonra onu imzalayanlar tərəfindən pozulursa, o zaman bu gün beynəlxalq siyasətdə təminat və imzaların nə etibarlılığı qalır?”, - süjetdə qeyd olunub.

Videoda imzalanma mərasimindən sonra Rusiya lideri Vladimir Putinin sənədin Rusiya və Ukraynanı bərabərhüquqlu tərəfdaş kimi aralarında olan mübahisəli məsələləri sonlandırdığını bildirən çıxışı da yer alıb.

• Əhmədovdan rüşvət alan fransalı iş adamının cəzası azaldıldı
• Bu bazarda yoxlama aparıldı: Ciddi nöqsanlar... - Foto
• Bakıda bu parkın ərazisi dağıdıldı - Video
• 15 yaşlı uşağın 6 min qumar borcu var… - Kəmərli
• Bu il 70 uşaq övladlığa verilib
• Eynulla Fətullayevin yerinə o, rəhbər təyin edildi
• Babayevdən strateji valyuta ehtiyatları ilə bağlı açıqlama
• Ötən il Formula-1 üçün nə qədər vəsait ayrılıb?