Hindistanın paytaxtı Yeni Dehli ardıcıl 8-ci dəfə dünyanın ən çirkli paytaxtı seçilib.
BUTA.TV xəbər verir ki, bu barədə İsveçrənin hava keyfiyyətini izləyən məşhur “İQAir” agentliyinin 2025-ci il üzrə qlobal hesabatında bildirilib.
Siyahıda sonrakı yerləri Dəkkə (Banqladeş), Düşənbə (Tacikistan) və Ncamena (Çad) tutur.
Dünyanın ən təmiz havasına sahib paytaxtlar isə Fransız Polineziyasından Papeete, Puerto-Rikodan San-Xuan və Barbadosdan Brictaun olub.
Tanınmış musiqiçinin azyaşlı oğlu faciəvi şəkildə həlak oldu - Fotolar
Ümumilikdə dünya üzrə yalnız 13 ölkə Ümumdünya Səhiyyə Təşkilatının (ÜST) müəyyən etdiyi təhlükəsizlik limitlərinə cavab verə bilir.
Azərbaycanın paytaxtı Bakı regionun digər sənaye şəhərləri ilə müqayisədə orta sıralarda qərarlaşıb. 2025-ci ilin hesabatına əsasən, Bakı hava kirliliyinə görə dünya paytaxtları arasında 50-60-cı sıralar (orta kirlilik səviyyəsi) ətrafında dəyişir. Şəhərimizdəki PM2.5 (incə toz hissəcikləri) miqdarı ÜST-ün normativlərindən təxminən 3-4 dəfə yüksəkdir. Bu isə Bakının orta dərəcədə çirkli şəhərlər qrupuna daxil olduğunu göstərir.
Mütəxəssislər xəbərdarlıq edir ki, ölçüsü 2.5 mikrometrdən kiçik olan bu toz hissəcikləri birbaşa ağciyərlərə və qan dövranına keçərək xərçəng, ürək və tənəffüs yolu xəstəliklərinə səbəb olur. Hesabat təmiz enerjiyə keçidin artıq seçim deyil, məcburiyyət olduğunu vurğulayır.
- Hamı Trampı sevir... - Video
- 1 aydır itkin düşən qadın İmişlidə tapıldı - Yenilənib
- Şamaxıda zəlzələ oldu
- Binəqədidə yaşayış binasındakı yanğın söndürüldü - Yenilənib-Fotolar-Video
- Bakıya dolu düşəcək
- Abşeronun bəzi ərazilərinə dolu düşəcək - Xəbərdarlıq
- XİN Azov dənizində yaralanan azərbaycanlıların vəziyyətini - Açıqladı
- Ermənistanda seçki məntəqələrində bomba həyəcanı - DİN açıqlama yaydı