Səfərbərlik və Hərbi Xidmətə Çağırış üzrə Dövlət Xidməti hərbi xidmətdən yayınanlara xəbərdarlıq edib.

BUTA.TV “Yeni Sabah”a istinadən xəbər verir ki, qurum vətən qarşısında borcunu ödəməkdən boyun qaçıranları həbs cəzası gözlədiyini açıqlayıb.

Bildirilib ki, Cinayət Məcəlləsinin 321-ci maddəsinə əsasən, qanuni əsas olmadan hərbi xidmətdən yayınmaq üçün növbəti hərbi çağırışdan və ya səfərbərlik üzrə çağırışdan boyun qaçırma iki ilədək müddətə azadlıqdan məhrum etmə ilə cəzalandırılır. Eyni əməllər müharibə vaxtı törədildikdə isə üç ildən altı ilədək müddətə azadlıqdan məhrum etmə nəzərdə tutulur.

Qeyd olunub ki, məcəllənin 321-ci maddəsində “çağırışdan boyun qaçırma” dedikdə vətəndaşların üzrlü səbəblər olmadan tibbi müayinəyə (tibbi şəhadətləndirilməyə), müddətli həqiqi hərbi xidmətə, toplanışlara və səfərbərlik üzrə hərbi xidmətə çağırış üzrə gəlməməsi başa düşülür.

• Şahdağa qar yağdı – Faktiki hava
• Məktəbdən küçəyə daşan qəzəb - Nəyi gözdən qaçırırıq?
• I və IV qruplara qəbul imtahanları başladı
• Tanınmış musiqiçinin azyaşlı oğlu faciəvi şəkildə həlak oldu - Fotolar
• Qadın binadan yıxıldı, 5-ci mərtəbədə asılı qaldı - Video
• “Xətrinə dəymişəmsə, bağışla məni, bala” - Video
• Həlak olan kapitanın xanımı: Hər kəsi xilas etsə də... - Video
• Zığdakı kütləvi dava ilə bağlı - 7 nəfər saxlanıldı