Şimali Koreyada yerləşən “Rungrado 1 May Day” stadionu 114 min tamaşaçı tutumu ilə dünyanın ən böyük stadionu hesab olunur. Lakin bu nəhəng tikilidə futbol matçları keçirilmir.
“BUTA TV” xəbər verir ki, 1989-cu ildən fəaliyyət göstərən stadion yuxarıdan baxıldıqda maqnoliya çiçəyinə bənzəyən arxitekturası ilə diqqət çəkir. Həcminə görə dünyada birinci olması ilə yanaşı, istifadəsi ilə də fərqlənir.
Stadionun əsas funksiyası böyük tədbirlərə ev sahibliyi etməkdir. Xüsusilə məşhur “Arirang” şouları zamanı minlərlə insan eyni vaxtda səhnəyə çıxır, tribunalarda kart nümayişləri ilə nəhəng vizuallar yaradılır. Bu tədbirlər zamanı stadionun 114 min tutumu, demək olar ki, tam istifadə olunur.
Müasir dövrdə stadionların böyüklüyü yalnız tutumla deyil, eyni zamanda, mütəmadi istifadə, təhlükəsizlik standartları və beynəlxalq uyğunluq kimi meyarlarla da qiymətləndirilir. Bu baxımdan, Hindistandakı “Narendra Modi” stadionu 132 min tamaşaçı tutumu ilə aktiv idman tədbirləri üçün istifadə edilən ən böyük stadionlardan biridir. Avropada “Kamp Nou” uzun illərdir ən böyük stadionlardan biri olub və təmir prosesi ilə tutumunu artırmağa hazırlaşır.
“Rungrado 1 May Day” stadionu isə ölçüsü ilə rekordlar qırsa da, futbola ev sahibliyini etməməsi ilə fərqlənir və Şimali Koreyanın nəhəng şou mərkəzi kimi tanınır.
- Həlak olan kapitanın xanımı: Hər kəsi xilas etsə də... - Video
- Sürücülərə iyunun 7-si ilə bağlı xəbərdarlıq
- Kirayə mənzillər bahalaşacaq - Səbəb
- Prezidentin qızı məşhur şeiri səsləndirdi - Video
- Elə yerdə “drift” etdilər ki, görənlər süni intellekt sandı - Polis saxladı+Video
- Qubaya dolu yağdı
- Sabah evdən çıxanlar diqqətli olsun!
- “4 nəfər həlak olub, 4 nəfər isə yaralanıb” - XİN məlumatı yenilədi