Səudiyyə Ərəbistanı Pro Liqasında “Əl-Nəsr” “Əl-Hilal”la dramatik oyunda 1:1 hesablı heç-heçə edib və çempionluğu vaxtından əvvəl təmin etmək şansını son saniyələrdə itirib.

“BUTA.TV” xəbər verir ki, “Əl-Əvval Park” stadionunda keçirilən qarşılaşmada hesabı 37-ci dəqiqədə Məhəmməd Simakan açıb.

“Əl-Nəsr” oyunun böyük hissəsində üstünlüyünü qorusa da, əlavə vaxtda qapıçı Bentonun kobud səhvi komandaya baha başa gəlib. O, topu uzaqlaşdırmaq istəyərkən komanda yoldaşı ilə toqquşub və top öz qapısından keçib.

Beləliklə, “Əl-Hilal” son saniyə qolu ilə çempionluq ümidlərini qoruyub saxlayıb, “Əl-Nəsr” isə Kriştiano Ronaldo dövrünün ilk liqa titulunu rəsmiləşdirə bilməyib.

Gərgin keçən qarşılaşmadan sonra tribunada da insident yaşanıb. Belə ki, “Əl-Nəsr” azarkeşləri “Əl-Hilal”ın VIP sektoruna daxil olaraq qarşı tərəfin fanatlarına hücum edib.

Sosial şəbəkələrdə yayılan görüntülərdə tərəflər arasında dava və dəyənəklərlə qarşıdurma yaşandığı görünür.

Hadisə ilə bağlı təhlükəsizlik qüvvələrinin müdaxilə etdiyi bildirilir.

• Şagirdi döyən idman müəllimi cəzalandırıldı
• Vurulan gəmidə yaralanan azərbaycanlıların son durumu - Foto
• Ömər aşırımında iki hərbçimiz dərəyə yıxılıb - Biri həlak oldu
• Bakıda mənzil sahibinin xəbəri olmadan sökülüb? - Foto
• Vəkillər Kollegiyasından mühüm qərarlar: Yeni büro...
• Kürdəmirdə yaşıllıq ərazidə yanğın başladı - Video
• Binədə mağazada yanğın baş verdi - Video
• Oyunda dalaşdılar - Ayxan Abbasov millidən qovdu-Video