ABŞ Prezidenti Donald Tramp oğlu kiçik Donald Trampın toyuna qatılmayacağını açıqlayıb.
“BUTA.TV” “The Hill” nəşrinə istinadla xəbər verir ki, Ağ Ev rəhbərinin bu gözlənilməz qərarı ABŞ-nin İrana qarşı yeni hərbi hava zərbələrinə hazırlaşması barədə iddiaları pik həddə çatdırıb.
Nəşr yazır ki, ABŞ və İran arasında artıq kritik mərhələyə qədəm qoyan gərginlik fonunda Trampın həftəsonu planlarını təxirə salması Amerika mətbuatında geniş müzakirələrə səbəb olub. Bildirilib ki, Tramp oğlu kiçik Donald Tramp və Bettina Andersonun toy məclisində iştirak etməyəcək.
“Reuters” agentliyi də yazır ki, ABŞ lideri dövlət məsuliyyətləri və ölkənin hazırda olduqca həssas bir dönəmdən keçməsi səbəbindən Ağ Evdə qalmağı daha doğru hesab edib. Tramp hətta Nyu-Cersidəki qolf klubuna nəzərdə tutulan səfərini də ləğv edib.
Xatırladaq ki, bu qərar “CBS News” telekanalının ABŞ administrasiyasının İrana qarşı yeni hərbi hücum variantları üzərində işlədiyini bəyan etməsindən dərhal sonra qəbul olunub. Mənbələr rəsmi Vaşinqtonun hələlik yekun qərar vermədiyini, lakin bəzi hərbi və kəşfiyyat heyətinin həftəsonu məzuniyyətlərinin təcili ləğv edildiyini bildirib.
- Yük maşını xarab oldu, 50 nəfər susuzluqdan öldü
- Marketlərdəki bu ucuz məhsul ciddi problemin dərmanı imiş
- Millimiz Maltaya uduzdu - Video-Yenilənib
- Sadıq Sadıqov qəfil vəfat etdi
- Azov dənizində yaralanan azərbaycanlıların sayı artdı - Yenilənib
- Sərnişin avtobusuna hücum edən qadını - Polis saxladı+Video-Yenilənib
- Ölkədə bütün ambulans parkları ilə bağlı yeni xəbər
- AAYDA-nın sədr müavinləri işdən çıxarıldı - Sərəncam