Çinin Fars körfəzi ölkələrindən yuanla neft almağa hazır olması dünyada yeni enerji nizamının formalaşmasına səbəb olacaq.
BUTA.TV xəbər verir ki, bu barədə “Faynənşl Tayms”a İsveçrənin “Kredit Suisse” bankının analitiki Zoltan Pozhar deyib.
O bildirib ki, Çin yuanla İran, Venesuela, Rusiya və bəzi Afrika ölkələrindən xam neft və mayeləşdirilmiş təbii qaz alışını artırır. Lakin “neft yuanının doğulması” Çin Prezidenti Si Szinpinin dekabrda Fars Körfəzi Ərəb Dövlətləri Əməkdaşlıq Şurası ölkələrinin başçıları ilə görüşü ilə bağlı olub. Məhz o zaman Szinpin Pekinin Fars Körfəzi Əməkdaşlıq Təşkilatı ölkələrinə öz milli valyutası ilə ödəniş etməyə hazır olduğunu elan edib.
Pozhar qeyd edib ki, Çin və Fars Körfəzi Əməkdaşlıq Təşkilatı arasında tərəfdaşlıq Cənubi Çin dənizində neft və qazın birgə kəşfiyyatı və hasilatını, həmçinin neft emalı zavodlarına, kimya zavodlarına və plastik məhsullara investisiyaları əhatə edə bilər. Bu layihələrin yuanla həyata keçirilməsi qlobal enerji ticarətində böyük dəyişiklik olacaq.
- Millimiz Maltaya uduzdu - Video-Yenilənib
- Sadıq Sadıqov qəfil vəfat etdi
- Azov dənizində yaralanan azərbaycanlıların sayı artdı - Yenilənib
- Sərnişin avtobusuna hücum edən qadını - Polis saxladı+Video-Yenilənib
- Ölkədə bütün ambulans parkları ilə bağlı yeni xəbər
- AAYDA-nın sədr müavinləri işdən çıxarıldı - Sərəncam
- Türk bloqerə dediklərinə görə peşman olduğunu açıqladı
- Uşaqların sosial şəbəkələrdə qeydiyyatı ilə bağlı tələblər