Naxçıvan Muxtar Respublikasının daxili işlər naziri Süleyman Neymətov tikinti sektorunda çalışmış bir qrup işçini qəbul edib, onların işdən çıxarılmaları və əmək haqlarının verilməməsi ilə bağlı müraciətini dinləyib.
BUTA.TV xəbər verir ki, S.Neymətov onların problemlərinin tezliklə həll ediləcəyini bildirib.
Daxili İşlər Nazirliyinin qarşısına toplaşan keçmiş inşaatçılar bildirir ki, 3 ildən artıqdır onlar sözügedən problemləri ilə bağlı aidiyyatı qurumlara müraciət edirlər. Lakin şikayətlərinə baxılmayıb və onlara yeni işlə təmin olunacaqları ilə bağlı yalan vədlər verilib. Etirazçılar iddia edirlər ki, Maliyyə Nazirliyi tərəfindən onlara ayrılan əməkhaqqı mənimsənilib, İşsizlikdən Sığorta Fondundan da heç bir ödəniş edilməyib.
Qeyd edək ki, daxili işlər naziri gün ərzində inşaatçılarla yanaşı, şikayəti olan digər sakinləri də qəbul edib və onların müraciətinə baxılıb.
- Yük maşını xarab oldu, 50 nəfər susuzluqdan öldü
- Marketlərdəki bu ucuz məhsul ciddi problemin dərmanı imiş
- Millimiz Maltaya uduzdu - Video-Yenilənib
- Sadıq Sadıqov qəfil vəfat etdi
- Azov dənizində yaralanan azərbaycanlıların sayı artdı - Yenilənib
- Sərnişin avtobusuna hücum edən qadını - Polis saxladı+Video-Yenilənib
- Ölkədə bütün ambulans parkları ilə bağlı yeni xəbər
- AAYDA-nın sədr müavinləri işdən çıxarıldı - Sərəncam