Azərbaycan Prezidentinin Naxçıvandakı səlahiyyətli nümayəndəsi Fuad Nəcəfli şənbə günü NMR Şərur Rayon İcra Hakimiyyətinin binasında vətəndaşları qəbul edib.
BUTA.TV "Turan"a istinadən xəbər verir ki, Nəcəfli əvvəlcə şəhid ailələrinin üzvləri ilə görüşüb, sonra sosial və məişət problemlərinin həlli üçün qəbula gələn digər vətəndaşları qəbul edib.
Respublika miqyaslı rəhbərin sadə vətəndaşları qəbul etməsi və onları dinləməsi Naxçıvan üçün qeyri-adi haldır.
Qəbula gələnlərdən biri olan Allahverdi Həsənov bildirib ki, yerli icra hakimiyyəti səlahiyyətli nümayəndənin səfərini əhalidən gizlədib və təlimatlandırılmış insanlarla görüş təşkil etməyə cəhd edib.
Həsənov onu da qeyd edib ki, əvvəllər yüksək vəzifəli şəxslərlə belə görüşlər keçirilməyib, başqa adamlar da onun kimi qorxusundan yuxarı orqanlara şikayət və müraciətlər etmirdilər.
Qeyd olunur ki, Nəcəfli ötən il dekabrın 22-də təyinat alandan sonra Naxçıvanda rayon rəhbərləri həftədə bir dəfə deyil, hər gün vətəndaşların qəbulunu təşkil etməyə başlayıb.
- Xoşqədəm əkizləri ilə Acunun kanalında - VİDEO
- Prezidentin atdığı topu tutmaq istəyərkən yıxılması gündəm oldu - Video
- 1,4 milyardlıq sərvətini uşaqlarına verməmək üçün bu addımı atdı
- Yük maşını xarab oldu, 50 nəfər susuzluqdan öldü
- Marketlərdəki bu ucuz məhsul ciddi problemin dərmanı imiş
- Millimiz Maltaya uduzdu - Video-Yenilənib
- Sadıq Sadıqov qəfil vəfat etdi
- Azov dənizində yaralanan azərbaycanlıların sayı artdı - Yenilənib