Ukrayna Prezident Ofisinin keçmiş müşaviri Aleksey Arestoviç işdən çıxarıldığına görə peşman olmadığını bildirib. Onun sözlərinə görə, insanlara informasiya və psixoloji dəstəyi üçün daha çox vaxtı olacaq.
BUTA.TV xəbər verir ki, o, bunu “Feigin Live” kanalında deyib.
“İndi tamamilə azad insanam”, - Arestoviç bildirib.
O qeyd edib ki, rüşvətxorluq, hətta basqın da daxil olmaqla, ən ağır cinayətlərdən sonra da vəzifəsini tərk etməyən müəyyən təbəqəyə nümunə göstərmək istəyib:
“Qərara gəldim ki, qalmaq yerinə getməyin necə sivil forma olduğunu göstərim. Mənim Prezident Ofisi ilə heç bir münaqişəm yoxdur”.
Arestoviç Vladimir Zelenskinin fəaliyyətinə kömək edən qurumu, eləcə də ölkənin hərbi-siyasi rəhbərliyini dəstəklədiyini deyib:
“Nə qədər ki, müharibə gedir, tam dəstək verəcəm. Müharibədən sonra baxacağıq”.
O vurğulayıb ki, bundan sonra daha çox verilişlərdə görünəcək.
Qeyd edək ki, yanvarın 15-də axşam A.Arestoviç “Feigin Live” Yutub kanalının efirində Dneprdə yaşayış binasının bir hissəsini dağıdan raketin Ukrayna hava hücumundan müdafiə qüvvələri tərəfindən vurulduğunu və nəticədə çoxmərtəbəli binanın üzərinə düşərək partladığını bildirmişdi.
Rusiya onun bu açıqlamasından Ukraynaya qarşı istifadə edib. Rusiya Prezidenti Vladimir Putinin mətbuat katibi Dmitri Peskov da Dneprdəki vəziyyəti şərh edərkən A.Aretoviçin sözlərindən sitat gətirib.
Ukrayna Hərbi Hava Qüvvələrinin komandanlığı A.Arestoviçin sözlərini tez bir zamanda təkzib edərək bildirib ki, Rusiyanın atdığı “X-22” raketlərini vurmaq üçün Ukrayna hərbçilərinin vasitələri yoxdur.
Bundan sonra Arestoviç istefa verib.
- Qadın binadan yıxıldı, 5-ci mərtəbədə asılı qaldı - Video
- FHN paltar asarkən binadan yıxılan şəxsi belə xilas etdi - Video
- Paltar asarkən 8-ci mərtəbədən 5-ə yıxıldı - Təhlükəli anlar+Video
- “Xətrinə dəymişəmsə, bağışla məni, bala” - Video
- Həlak olan kapitanın xanımı: Hər kəsi xilas etsə də... - Video
- Zığdakı kütləvi dava ilə bağlı - 7 nəfər saxlanıldı
- Sürücülərə iyunun 7-si ilə bağlı xəbərdarlıq
- Kirayə mənzillər bahalaşacaq - Səbəb