Tanınmış prodüser, teleaparıcı Tarix Əliyev (Tolik) efirdə bəzi otellərin qayda-qanunlarından gileylənib. BUTA.TV xəbər verir ki, “Ümid ilə gəl” proqramında bu barədə danışan Tolik Şamaxıdakı otellərdən birinin yalnız nikah şəhadətnaməsi ilə qonaqları qəbul etdiyini deyib:
“Bir oteldən narazılığım var. Şamaxıda “Sakit göl” adlı bir otel var, ora bizi buraxmırlar. Mən ailəli deyiləm, amma içki içmirəm, siqaret çəkmirəm, həftəsonları gedib “Sakit göl”də dincəlmək istəyirəm. 10-15 oğlanla ora diskotekaya getmək istəmirdim. Otelin nömrəsini yığdım ki, dostlarım var, ailəli qadındırlar, qardaşım kimi olan dostlardırlar, onlarla gəlmək istəyirəm, bir gün dincəlmək, gölün qırağında gəzmək istəyirəm. Dedilər, qeyri-mümkündür, mütləq ailəli olmalısan.
Hətta ailəmlə də qoymadılar. Zəng etdim ki, bacımla, bibimlə gəlmək istəyirəm, qoymadılar, dedilər, olmaz. Bu nə qədər düzgündür?”
Verilişdə ekspert qismində əyləşən kulturoloq Aydınxan Əbilov isə bunun tamamilə qanunsuz olduğunu bildirib:
“Bu, qeyri-qanunidir. Siz onları məhkəməyə verərək kifayət qədər pul da ala bilərsiniz. Otel ictimai müəssisədir. Ədliyyə Nazirliyində qapalı klub kimi qeydiyyatdan keçsəydi, bu ola bilərdi.
Bu ölkədə hər kəsin öz siyasəti ola bilməz. Otelçilik haqqında qanun var, hər şey bu qanunla tənzimlənir. Əgər şəxsi oteldirsə, öz ailəsi üçün açsın”.
Həmin görüntüləri təqdim edirik:
- Rusiya Ukrayna ordusunda vuruşmuş azərbaycanlıya hökm oxudu
- Rusiyadan deportasiya olunma səbəbim bu deyil - Badamov
- Azərbaycan-Suriya münasibətləri
- Rusiyanın Badamovla bağlı qərarının gerçək səbəbləri - Detallar
- Vardanyanın məhkəməsində zərərçəkmiş danışdı
- Belarusun baş naziri Füzulidə… - Foto
- Nikolun arvadı ordumuza qarşı necə döyüşüb? - Şok faktlar
- BMT-nin bu qurumu Azərbaycanda fəaliyyətini dayandırır