Yaşadığımız coğrafiya elədir ki, yaxşı mənada iddiası olan hər bir qadın üçün çətindir.

BUTA.TV xəbər verir ki, bu sözləri “Teleqraf” Media Qrupunun rəhbəri, əməkdar jurnalist Aynur Camalqızı Real TV-nin “Göstərir radio” proqramında qeyd edib.

Aynur Camalqızı qeyd edib ki, Qarabağ onun nəslinin taleyini müəyyənləşdirib:

“Cəmiyyətimizdə bəziləri Qarabağla bağlı pessimist düşüncədə idilər. Ancaq mən elə bir gün, saat olmurdu ki, buna şübhə edim – Qarabağı qaytaracağımıza, Şuşaya yenidən qayıdacağımıza əmin idim. Bu, həm də bizim taleyimizə təsir edib. Qarabağ olmasaydı, bəlkə də heç jurnalistikaya gəlməzdim”.

İş və şəxsi həyat arasında tarazlığı qorumaqla bağlı suala isə A.Camalqızı bildirib ki, bunu qorumaq həddən artıq çətindir:

“Övladlarım həmişə məndən narazılıq edirlər, çünki onlara az vaxt ayırıram. Bu baxımdan ideal ana və ya ideal xanım olduğumu qətiyyən iddia etmirəm”.

Onun sözlərinə görə, insan səhv edə-edə və səhvindən nəticə çıxararaq formalaşır:

“Hərdən düşünürəm ki, kaş indiyə qədərki həyatımı yenidən yaşayaydım, ancaq bu yaşımdakı təcrübə ilə. Amma təəssüf ki, bu, mümkün deyil. Təsəvvür edin ki, 18-20 yaşlı insanla 40 yaş arasında nə qədər fərq var. Buna baxmayaraq, səhvlərdən sığortalanmamışıq. İndinin özündə də səhvlər edirəm”.

Daha ətraflı videoda:

• Bu, qardaş özbək xalqından çox böyük hədiyyədir - Prezident
• Liderlər akvariumdakı balıqları seyr etdi - Video
• 1276-cı gün: Rusiyanın itkiləri yeniləndi
• Bu yol Zəngəzur dəhlizinin açarı olacaq - Uraloğlu
• Zəngəzurla bağlı mühüm layihəsinin təməli atıldı
• Azərbaycan və Rusiya rəsmiləri bu şəhərdə görüşəcək
• Putin Mehriban Əliyevanı təbrik etdi
• “Gedişhaqqını 1 manat etmək olar” - Azərbaycanda nəqliyyat xərci niyə yüksəkdir?