Erməni diplomatiyası məzmun böhranı ilə üz-üzədir. Qarabağ, eləcə də Azərbaycanla bağlı verilən qərarlar da əsasən bu məntiqə tabedir.

BUTA.TV xəbər verir ki, bunu Ermənistan Baş nazirinin keçmiş baş müşaviri Arsen Qasparyan deyib.

O bildirib ki, Ermənistan istər Davosda, istər Moskvada, istərsə də digər şəhərlərdə Azərbaycanla görüş və danışıqlardan heç vaxt yayınmamalıdır:

“Mən dəfələrlə demişəm ki, Ermənistanın xarici siyasətinin məzmunu yoxdur. Ümumiyyətlə, bizim xarici siyasətimiz yoxdur. Hökumət proqramında yazılanlar məzmun deyil. Məzmunu olmayan xarici siyasət mənasızdır. Biz yeni məzmun müəyyənləşdirməliyik. Məzmun olmayanda sonsuz səfərlər, görüşlər heç bir problemi həll etmir”.

Qasparyan hesab edir ki, bu gün Qarabağ nizamlanması prosesi faktiki olaraq Rusiya ilə Qərb arasında qarşıdurma ilə nəticələnib:

“Köhnə tərif və formatlar artıq işləmir. Dünya dəyişdi, dünya iqtisadiyyatı da dəyişdi və biz bu dəyişikliyin əlamətlərini hər gün görürük. Nəticədə danışıqların əvvəlki formatına qayıtmaq üçün heç bir şərait görmürəm. ATƏT-in Minsk Qrupu çoxdan ölüb”.

• Bu, qardaş özbək xalqından çox böyük hədiyyədir - Prezident
• Liderlər akvariumdakı balıqları seyr etdi - Video
• 1276-cı gün: Rusiyanın itkiləri yeniləndi
• Bu yol Zəngəzur dəhlizinin açarı olacaq - Uraloğlu
• Zəngəzurla bağlı mühüm layihəsinin təməli atıldı
• Azərbaycan və Rusiya rəsmiləri bu şəhərdə görüşəcək
• Putin Mehriban Əliyevanı təbrik etdi
• “Gedişhaqqını 1 manat etmək olar” - Azərbaycanda nəqliyyat xərci niyə yüksəkdir?