Sosial şəbəkələrdə Bakı metropoliteninin "Nərimanov" stansiyası ilə bağlı həqiqətə uyğun olmayan məlumatlar yayılıb. Bildiririk ki, stansiyada qatarın qapısı bağlanarkən, bir uşağın əlinin vaqon qapısı arasında qaldığından valideyn anidən həyəcanlanaraq, təşviş içində köməyə çağırıb.

Bu barədə BUTA.TV-a "Bakı Metropoliteni" QSC-nin mətbuat xidmətindən bildirilib.

“Dərhal metropoliten əməkdaşları və polis işçiləri sərnişinə kömək göstərib. Hadisə nəticəsində azyaşlı sərnişinin xəsarət və ya zədə almadığı müəyyən olunub.

Valideyn hər hansısa digər köməkdən və təcili tibbi yardım xidmətinin dəvət olunmasından imtina edərək, yoluna davam edib. Valideynin təşviş içində olması digər sərnişinlərə də sirayət edib. Dərhal ciddi problemin və təşvişə əsasların olmaması sərnişinlərin diqqətinə çatdırılıb.

Bildiririk ki, hadisə nəticəsində sərnişinlərin hərəkət təhlükəsizliyi, o cümlədən qatarların hərəkət qrafiki ilə bağlı ciddi problem yaranmayıb.

Bir daha xatırladırıq ki, metropolitendən istifadə edərkən, ələlxüsus qatara minib-düşərkən azyaşlı sərnişinlərin diqqətdə saxlanması, onlara nəzarət olunması unudulmamalıdır”, - QSC-dən əlavə olunub.

• Bakıda səs-küy salan qonşusunun torpağını 5 milyona satın aldı
• “Gelandevagen”i KİA-ya çırpan sürücü ilə bağlı qərar
• Azovda həlak olanların nəşi vətənə gətirildi
• Məhkəmə o “Mercedes”in sürücüsünü həbs etdi
• Bu institut ləğv edilir
• Gəlinə 40 kilo qızıl taxıb dözümünü sınayırlar - “Eşq şəhəri”ndən reportaj
• Bakıdan Balakənə qatarla getmək istəyənlərin diqqətinə!
• Robototexnika yarışı ilk dəfə Azərbaycanda keçiriləcək